Орон нутгийн өмчийн алба 2014 оны 2-р сарын 14-ны өдөр Төрийн өмчийн хороо, ТАУЭР СОФТ компанитай хамран төсөвт байгууллагуудын нягтлан бодогчидод “Хөрөнгийн онлайн программ”-ын сургалт зохион байгууллаа.
Сургалтанд төсөвт байгууллагын 120 гаруй нягтлан бодогчид хамрагдсан бөгөөд нягтлан бодогчдод хөрөнгийн онлайн программд нэвтрэх эрхийг олгож, онлайн программд хөрөнгийг бүртгэх, хөдөлгөөн өөрчлөлт хийх, программыг өдөр тутмын ажилдаа хэрхэн ашиглах талаарх мэдээлэл өгөв. Уг программыг нэвтрүүлсэнээр цаг хугацаа, орон зай харгалзахгүйгээр интернэтийн сүлжээ ашиглан хөрөнгийг бүртгэх, түүний хөдлөл өөрчлөлтийг хийх, хяналт тавих нөхцөл бүрдэж, Монгол улсын хэмжээнд Төрийн болон Орон нутгийн өмч хөрөнгийн нэгдсэн мэдээллийн сан бүрдэх боломжтой болох юм.
П.Дариймаа