Өнөөдөр “ДЭЛХИЙН ӨРСӨЛДӨӨНИЙ ӨДӨР” тохиож байна. 2010 оны 12-р сарын 05-ны энэ өдөр Өрсөлдөөний иргэний нийгмийн олон улсын сүлжээ байгууллага (INCSOC)-аас өрсөлдөөний хэд хэдэн агентлагууд болон бусад оролцогч талуудын дэмжлэгтэйгээр анх Дэлхийн Өрсөлдөөний өдрийг албан ёсоор зарлаж байжээ.
Энэ өдрийг тохиолдуулж "CUTS" олон улсын байгууллагаас "ХҮРТЭЭМЖТЭЙ, УЯН ХАТАН ЭДИЙН ЗАСГИЙН ТӨЛӨӨХ ӨРСӨЛДӨӨНИЙ БОДЛОГО" сэдвийн дор олон улсын хурал зохион байгуулж байгаа бөгөөд үүнд ШӨХТГ-ын Өрсөлдөөн зохицуулалт, зах зээл судалгааны газрын мэргэжилтэн М.Даваажаргал, Олон нийт хамтын ажиллагааны газрын мэргэжилтэн Н.Балжинням нар оролцож МЭНДЧИЛГЭЭ дэвшүүлнэ.
Монгол Улсын хувьд Шударга өрсөлдөөн, хэрэглэгчийн төлөө газар нь анх 2004 онд зах зээлд шударга өрсөлдөөний нөхцөлийг бүрдүүлэх зорилгоор Өрсөлдөөний хууль тогтоомжийг хэрэгжүүлэх, хяналт шалгалт, зах зээлийн судалгаа хийх, аж ахуй эрхлэгчийн монополь болон давамгай байдлыг тогтоох, өрсөлдөөний байдалд үнэлэлт, дүгнэлт өгөх чиг үүргийн дагуу өдгөө 17 жил ажиллаж байна.
Өрсөлдөөний чиглэлээр хамтран ажилладаг дотоодын болон Олон Улсын байгууллагуудад ДЭЛХИЙН ӨРСӨЛДӨӨНИЙ ӨДӨР-ийн мэнд хүргэе.