Худалдаа, үйлчилгээний салбарын хууль, эрх зүйн орчны шинэчлэлд нэгдэж чөлөөт өрсөлдөөний таатай орчин бүрдүүлэх, худалдаа, үйлчилгээ эрхлэгчдийн үйл ажиллагаанд тулгамдаж буй асуудлуудыг шийдвэрлэх, төр, төрийн бус байгууллагын хамтын ажиллагааг өргөжүүлэн хөгжүүлэх үйл ажиллагааны хүрээнд Агентлагийн Б.Бат-Эрдэнэ , Монголын жижиглэн худалдаа эрхлэгчдийн холбоо ТББ-тай хамтран ажиллах санамж бичиг байгууллаа.
Хамтын ажиллагааны хүрээнд:
- Худалдаа, үйлчилгээний салбарын хууль эрх зүйн актуудын хэрэгжилтийг хангах, хэрэгжилтийн явцад худалдаа, үйлчилгээний бизнест тулгамдаж буй асуудлуудыг судлах, оновчтой гарц шийдлүүдийг боловсруулах чиглэлээр хамтран ажиллах;
- Хүнсний тухай, Хүнсний аюулгүй байдлыг хангах тухай, Тамхины хяналтын тухай, Архидан согтуурахтай тэмцэх тухай, Зөрчлийн тухай, НӨАТ-ын тухай, Хэрэглэгчийн эрхийг хамгаалах тухай хуулиудын нэмэлт
- өөрчлөлтөд худалдаа, үйлчилгээ эрхлэгчдийнхээ санал хүсэлтийг нэгтгэн тусгуулах;
- Хэрэглэгчийн эрхийг хангах чиглэлээр “ХЭРЭГЛЭЭ ҮЙЛЧИЛГЭЭНИЙ ЧИГ ХАНДЛАГЫГ ӨӨРЧИЛЬЕ” уриан дор худалдаа, үйлчилгээ эрхлэгчдээ нэгтгэн хэрэглээ, үйлчилгээний соёлыг төлөвшүүлэх, “Хүүхэд-хэрэглэгч” аяны үйл ажиллагаанд нэгдэж хамтран ажиллах;
- Бүтээгдэхүүн, үйлчилгээний чанар, аюулгүй байдал, хэрэглээний соёлын талаарх хэрэглэгчийн боловсролыг дээшлүүлэх сургалт, сурталчилгааг зохион байгуулах;
- Худалдаа, үйлчилгээний салбарын өдөр тутмын үйл ажиллагаанд гарч буй хууль зөрчсөн аливаа үйлдэл, үйл ажиллагааны талаарх мэдээллийг тухай бүр мэдээлж ил тод байдлыг хангах чиглэлээр хамтран ажиллах юм.
Хараат бус, шударга, харилцан зөвшилцөж жижиглэн худалдаа эрхлэгчдийн эрх ашгийг хамгаалсан бодит, үр дүнд суурилсан ажлууд хийхээр төлөвлөж байна. Төр иргэнээ дэмждэг,бизнесийн таатай орчинг бүрдүүлж өгдөг нийгмийг хамтдаа бүтээцгээе.