БНТУ-ын иргэний агаарын тээврийн “Туркиш Эйрлайн” авиа компани манай улсад үйл ажиллагаагаа эхлүүлээд нэг жил болж байгаа билээ. Одоогийн байдлаар “Туркиш Эйрлайн” авиа компани нь Бойнг ”737-800” маркийн 151 хүний суудалтай онгоцоор долоо хоногт гурван удаа Турк руу нислэг үйлддэг бөгөөд Монгол улсын хууль тогтоомжид нийцүүлэн үйлчилгээгээ монгол хэлээр явуулахаар боллоо. “Туркиш Эйрлайн” компани нь Станбул-Бишкек-Улаанбаатар-Бишкек-Станбул чиглэлээр бүтэн 10 цагийн турш нислэг үйлддэг учир зорчигчдын тав тух алдагдах асуудал байнга гарч байгаа бөгөөд энэ зөрчлөө арилгах үүргийг ШӨХТГ-аас хүргүүлсэн байна. Уг компани нь 1933 оноос үйл ажиллагаагаа явуулж эхэлсэн бөгөөд Монгол, Турк хоёр улс Агаарын харилцааны гэрээнд 1993 онд гарын үсэг зурсан боловч хоёр улсын хооронд зорчих агаарын тээврийн үйлчилгээ өдийг болтол зогсонги байдалд байсныг сэргээж өнгөрсөн оноос үйл ажиллагаагаа эхлүүлээд байгаа билээ. ШӨХТГ-аас үйлчилгээгээ монгол хэлээр явуулах үүргийг мөн Айр Чайна, Айр Флот компаниудад мөн адил хүргүүлээд байна.
