Чингэлтэй дүүргийн ерөнхий боловсролын сургуулийн ахлах ангийнхны дунд жил бүр зохион байгуулдаг уламжлалт “Дөл” тэмцээний хоёрдугаар шатны шалгаруулалт 2016 оны 03 сарын 9-ний өдөр Онцгой байдлын ерөнхий газрын “Аврагч” спорт цогцолборт болсон. 12 багийн 420 сурагч жагсаал, 16 тоот дасгал, эмнэлгийн нормитав, салаан захирагчийн тэмцээн, биеийн тамирын цогцолбор дасгал, урлагийн тоглолт, ханын сонин гаргах гэсэн төрлүүдээр өрсөлдөв.
Тэмцээн өндөрлөхөд ерөнхий дүнгээр тэргүүн байрыг ерөнхий боловсролын 39 дугаар сургууль, дэд байрыг 57 дугаар сургууль, 3 дугаар байрыг 23 дугаар сургуулийн баг тамирчид эзэллээ.
Мөн үзүүлбэр тус бүрээр шилдгүүдийг шалгаруулах юм. Тэмцээнд оролцсон баг тамирчдын шагналыг Тусгаар тогтнолын талбайд 2016 оны 03 дугаар сарын 11-ний өдөр Зэвсэгт хүчний 95 жилийн ой, Монгол цэргийн өдрийг тохиолдуулан зохион байгуулах арга хэмжээний үеэр гардуулан өгөх юм.
