“Хөдөлмөрийн
салбарын бодлого- Хамтын ажиллагаа” сэдэвт хүний нөөцийн удирдах
ажилтны форум өнөөдөр Чингис зочид буудалд зохион байгуулагдлаа.
Хэлэлцүүлэгийн гол зорилго нь хөдөлмөрийн салбарын бодлогыг хэрэгжүүлэх, төр хувийн хэвшлийн хамтын ажиллагааны үр өгөөжийг дээшлүүлэх байлаа. Хэлэлцүүлэгт хөдөлмөрийн сайд Я.Санжмятав, Хөдөлмөрийн яамны харьяа Хөдөлмөрийн судалгааны институтын захирал М.Чимэддорж болон газрын дарга нар мөн 150 гаруй байгууллагын хүний нөөцийн менежрүүд оролцож, хөдөлмөрийн салбарт хүний нөөцийн асуудлаар санаа бодлоо хуваалцлаа. Өнөөдрийн хэлэлцүүлэгт оролцож байгаа хүний нөөцийн удирдах ажилтнуудын санал санаачлагаар цаашдаа бодлого чиглэлээ тодорхойлно гэдгээ салбарын сайд Форумын үеэр онцолж байлаа.
Мөн эрэлттэй байгаа боловсон хүчнийг бүрдүүлэх талаар бодлого хөтөлбөрийг боловсруулна. Төр хувийн хэвшлийн хамтын ажиллагаа, Монгол ажилчидтайгаа хэрхэн зөв харьцаж, тэдний ажлын орчин нөхцлийг сайжруулах, хөдөлмөрийн салбарын бодлогын шинэчлэл, салбарын эрх зүйн орчин зэрэг илтгэл тавигдлаа. Сүүлийн жилд хөдөлмөрийн хөлсний дундаж хэмжээ 20 гаруй хувиар нэмэгдсэн. Тиймээс гадаадад байгаа монголчууд нутагтаа ирж ажиллах сонирхол нэмэгдэж байгаа энэ үеэр дуулгалаа.
Цаашдаа мэргэжил сургалт үйлдвэрлэлийн төвүүдээр дамжуулан эрэлттэй байгаа боловсон хүчнийг бүрдүүлэх талаар бодлого хөтөлбөрийг боловсруулах, 40-с дээш насны иргэдийг ажлын байраар хангах талаар арга хэмжээ зохион байгуулж байна.
Хөдөлмөрийн сайд Я.Санжмятав:
Архи уудаггүй, тамхи татдаггүй, ажлын цагийг баримталдаг байх эхний шаардлага. Манай салбараас хэрэгжүүлж байгаа богино хугацааны, болон жил хоёр жилийн хугацаатай сургалтуудаар ажиллах хүчийг чадавхжуулах шаардлагатай байна.
Тиймээс өнөөдрийн хэлэлцүүлэгт оролцож байгаа хүний нөөцийн удирдах ажилтнуудын санал санаачлагаар цаашдаа чиглэл бодлогоо гаргана. Энэ удаад нийслэлийн хүний нөөцийн удирдлагуудтай уулзаж байгаа ч намар улсын хэмжээний хүний нөөцийн ажилтануудтай уулзалт зохион байгуулах болно хэмээн ярьлаа.