Монгол оронд өрнөсөн 1990 оны цагаан морин жилийн ардчилсан хувьсгал Увс аймагт хэрхэн өрнөсөн, энэ их үйл хэргийг манлайлагчдын гавьяа зүтгэлийг тодруулах түүхэн баримт, тэдний дурсамж дурдатгал, тэр үеийн гэрэл зургууд, холбогдох материал, тэмдэглэлт үйл явдлыг товчоолсон “Цөн түрсэн морин жил” номыг аймгийн Ардчилсан нам, МоАХ-ын салбар зөвлөл, Улаангом сумын Ардчилсан нам болон ахмад зүтгэлтнүүд, гэр бүл нь нэн хүндэтгэлтэйгээр хүлээн авлаа.
Уг
номыг Б.Ганболд, Б.Норов, Г.Батжавхлан нар эмхэтгэн бичиж, С.Эрдэнэцогт,
Н.Дамдинжав, Б.Бат-Амгалан нар хянан найруулахад оролцож, Ч.Сандаг захиралтай
“Арвин судар” ХХК-д хэвлэжээ. Шинэ бүтээлийг хүлээн авч нээх ёслолд Увс аймгийн
ИТХ-ын дарга Ч.Чимид, аймгийн Засаг дарга Д.Цэндсүрэн, Засаг
даргын орлогч Б.Цэцээ, Улаангом сумын Засаг дарга О.Ганхуяг, ИТХ-ын дарга
Б.Жавхлантөгс болон МоАХ-ны ХЭГ-ын дарга С.Эрдэнэцогт, номын зураг чимэглэлийг
бүтээсэн Д.Цэдэнгомбо нарын хүмүүс оролцлоо.
Уг номонд Монгол Улсын Ерөнхий сайд, Ардчилсан намын дарга Н.Алтанхуяг, Монгол
Улсын Ерөнхий прокурор Д.Дорлигжав, Монгол Улсын баатар Э.Бат-Үүл нарын хүмүүс
энэхүү түүхэн үйл хэргийн талаар сэтгэлийн үгээ бичсэн байна.
Номын нээлтийн үеэр аймгийн Нэгдсэн эмнэлэгт эмчлүүлж байгаа Ардчилсан
хувьсгалын ахмад зүтгэлтэн Б.Пүрэвхүүд МоАХ-ны ХЭГ-ын дарга С.Эрдэнэцогт
хувиасаа мөнгөн туслалцаа үзүүллээ. Мөн уг ном бүтээхэд оролцсон зарим
хүмүүсийг Аймгийн хүндэт тэмдгээр шагнав.
П.Дариймаа