2013 оны 10 сард хийсэн Францын гадаад хэргийн сайдын айлчлалын хүрээнд CEVEO (Өрнө-Дорнын Мал эмнэлгийн Хамтын ажиллагааны Нийгэмлэг)-ийн болон бусад төлөөлөгчид ҮХАА-н дэд сайд Ц.Туваан болон Монгол улсын Засгийн газрын хэрэгжүүлэгч агентлаг Мал эмнэлэг, үржлийн газрыг төлөөлж, дарга М.Галбадрах болон бусад албаны хүмүүстэй уулзаж хоёр орны хөдөө аж ахуй, мал эмнэлгийн салбарт хамтран ажиллах, хамтын ажиллагааг цаашид хэрхэн өргөжүүлэх боломжуудын талаар санал солилцлоо.
Энэхүү айлчлалын хүрээнд Монгол улсын Засгийн газрын хэрэгжүүлэгч агентлаг Мал эмнэлэг, үржлийн газрыг төлөөлж, дарга М.Галбадрах болон Франц улсын CEVEO (Өрнө-Дорнын Мал эмнэлгийн Хамтын ажиллагааны Нийгэмлэг)-ийн дэд ерөнхийлөгч Пьер Брүие нар хоёр улс Мал эмнэлгийн салбарт хамтран ажиллах гэрээнд гарын үсэг зурлаа.
Энэхүү гэрээ нь Монгол улсын хүндрэлтэй нөхцөлд буй хүн амд туслах
ажлын хүрээнд мал аж ахуйн үйлдвэрлэлийн нөхцлийг дээшлүүлэх, малын эрүүл мэнд,
мал аж ахуйн гаралтай бүтээгдэхүүний үнэлэмжийг сайжруулах чиглэлээр мал
эмнэлгийн тогтвортой хамтын ажиллагааг дэмжих, үүний тулд сургалтуудыг мал эмнэлгийн мэргэжлийн чиглэлээр болон хүнд
нөхцөлд байгаа малчдад зориулан зохион байгуулах, мал эмнэлгийн салбарт ажиллах буй эмч, мэргэжилтнүүдэд малын
эрүүл ахуй, эмийн зохистой хэрэглээ, малын халдварт болон зооноз өвчний хяналт,
хүнсний аюулгүй байдлын талаар харилцан туршлага, мэдлэгээ солилцох цаашид олон
нийтэд түгээх зорилготой юм.
