Монгол Улсын
Засгийн газраас 2013 оныг их бүтээн байгуулалтын жил болгон зарласантай
холбогдуулан түүнд шаардагдах мэргэжилтэй ажилтныг бэлтгэх ажлын хүрээнд “Оюу
толгой” ХХК-ны санхүүжилтээр “Үндэсний мэргэжилтэй ажилтан бэлтгэх
хөтөлбөр”-ийг хэрэгжүүлсэн билээ.
Энэхүү хөтөлбөрийн хүрээнд уул уурхай, барилга, зам тээвэр, аж үйлдвэр, худалдаа үйлчилгээ болон бусад салбаруудад МСҮТ-үүд, ажил олгогчтой хамтран үндэсний хэмжээний 6800 мэргэжилтнүүдийг бэлтгэж, 82 хувийг ажлын байраар хангаад байна.
“Бид мэргэжилдээ дуртай” туршлага дамжуулах уулзалтын арга хэмжээг 09 сарын 20 ны өдөр Хөдөлмөрийн яам, Хөдөлмөрийн Төв бирж, Хөдөлмөрийн эрүүл мэндийн төвөөс хамтран зохион байгуулсан бөгөөд “Үндэсний мэргэжилтэй ажилтан бэлтгэх хөтөлбөр”-ийн энэ удаагийн сургалтын ач холбогдол болоод дараагийн сургалтанд анхаарах асуудлууд, мастер ажилчдын туршлагыг хойч үедээ дамжуулах, өөр хоорондоо туршлага хуваалцах, цаашдын хамтын ажиллагааны чиглэлээ тодорхойлов.
Мөн арга хэмжээнд “Үндэсний мэргэжилтэй ажилтан бэлтгэх” хөтөлбөрт амжилттай оролцож, залуучуудыг дадлагажуулж, дагалдуулан хөдөлмөрт бэлтгэж, хөлийг дөрөөнд хүргэсэн амьдралын асар их туршлага хуримтлуулсан салбар, салбарын мастер тэргүүний ажилтан цугласан төдийгүй өөрсдын мэдлэг, үнэтэй зөвлөгөө, арвин туршлагаасаа хуваалцсан юм.
Хөдөлмөрийн төв бирж утас:77001331,77111331