Асуулт: Энэ дүрмээр
ямар харилцааг зохицуулж байгаа вэ?
-Хариулт:Үйлдвэрлэлийн осол, хурц хордлогыг судлан бүртгэх дүрмийг Засгийн газрын 2009 оны 1 дүгээр сарын 14-ны 14 дүгээр тогтоолоор шинэчлэн батлаж, үйлдвэрлэлийн осол, хурц хордлогыг судалж тогтоох, бүртгэх, тайлагнах, мэдээлэхтэй холбогдсон харилцааг энэ дүрмээр зохицуулж байна. Өмчийн бүх хэлбэрийн аж ахуйн нэгж байгуулага хамрагдана. Хуульд өөрөөр заагүй бол гадаадын болон гадаадын хөрөнгө оруулалттай хуулийн этгээд нэгэн адил мөрдөнө.
-Асуулт: Үйлдвэрлэлийн осол, хурц хордлогыг /ҮОХХ/ судлан бүртгэхтэй холбогдох зардлыг хэн хариуцах вэ?
-Хариулт:ҮОХХ-ыг судлан бүртгэхтэй холбогдсон зардлыг үйлдвэрлэлийн осол, хурц хордлого бүртгэгдсэн тухайн ажил олгогч хариуцна. /унаа, эмнэлгийн тусламж, байцаагч, шинжээчийн үйл ажиллагаа, ослын шалтгааныг арилгахад шаардагдах хөрөнгө г,м,/
-Асуулт:Ямар нөхцөл байдалд гарсан ослыг үйлдвэрлэлийн осолд тооцох вэ?
-Хариулт:Энэдүрмийн 1,5-д 7 нөхцлийг заасан байгаа. Товч дурьдвал, 1/.ажилтан ажлын болон туслах байранд, эсхүл гэрээ, хэлэлцээр эрх бүхий байгууллагаас гаргасан шийдвэрийн дагуу албан томилолт, дайчилгаагаар бусад газарт ажил үүрэг гүйцэтгэж байхдаа. 2/.ажлын байр, нэгж, хэсэг, салбарын хооронд байнга явж ажил үүрэг гүйцэтгэдэг ажилтан ажлын цагаар бүх төрлийн тээврийн хэрэгсэл, ердийн хөсгөөр буюу явган явж байх үед. 3/.ажлын байраа орхих боломжгүй ажил үүрэг гүйцэтгэдэг ажилтан ажлын байрандаа амарч байх, ажил эхлэхийн өмнө болон ажил дууссаны дараа ажлын байр багаж хэрэгслээ эхмлэн цэгцлэх, хувцасаа солих, усанд орох, ажил хүлээлцэх үед. 4/.ажилдаа ирэх, буцах замдаа аливаа тээврийн хэрэгслээр буюу явган явж байхдаа. 5/.үндсэн ажил үүргээ гүйцэтгэх үедээбайгал, цаг уур, гал, усны гэнэтийн аюул, цацраг идэвхт болон химийн хорт бодисын нөлөөлөл, биологийн гаралтай өвчинүүсгэгчийн гэнэтийн аюулд өртсөн. 6/.тухайн байгууллагад ашиглаж байгаатүүхий эд, материал болон бусад технологийн процессод ашигладаг химийн бодис, биологийн гаралтай бохирдуулагчийн улмаас үүссэн өвчин, хордлогод өртсөн. 7/.байгалийн гэнэтийн аюул гамшиг, хөнөөх хэрэгслийн болон гоц халдварт өвчний голмот, сүрэл, дэлбэрэлтийн үед гарсан ослыг тооцохоор заасан байна.
Асуулт: Ямар нөхцөлд гарсан ослыг үйлдвэрлэлийн осолд тооцохгүй вэ?
Хариулт:1/.ажил олгогчийн шийдвэргүйгээр үндсэн үүрэгт ажлаасаа өөр ажил гүйцэтгэж байгаад осолдох. 2/.ажлын байрандаа согтууруулах ундаа, мансууруулах бодис хэрэглэснээс осолдох. 3/.ажлын байраа орхиж явсан, аюулгүй ажиллагааны зааварчлага авсан боловч технологийн горимыг ажилтан өөрөө санаатайгаар өөрчилнөөс осолдох. 4/.гэмт хэрэг үйлдэх үедээ өөрийн биед гэмтэл учруулах зэрэг тохиолдол орохоор дүрэмд заажээ.
Асуулт:Иргэд хоорондын гэрээгээр ажил гүйцэтгэж байхад гарсан ослыг шийдвэрлэх ...
Хариулт:Иргэд хоорондын гэрээгээр ажил гүйцэтгэх үед гарсан осол, хурц хордлогыг талууд тухайн гэрээгээр хүлээсэн үүргийн дагуу судлан бүртгэнэ. Гэрээнд энэ талаар тусгагдаагүй бол ажил гүйцэтгэгч тал хохирлыг хууль тогтоомжийн дагуу барагдуулна.
Асуулт:Гадаадад ажиллаж байхдаа үйлдвэрлэлийн осолд өртвөл яах вэ?
Хариулт:Тусгай зөвшөөрлийн дагуу гадаадад ажиллах хүч гаргаж байгаа байгууллагаар зуучлуулсан иргэн үйлдвэрлэлийн осолд өртвөл нөхөн төлбөрийнасуудлыг тухайн оронд мөрдөж байгаа хууль тогтоомжийн дагуу шийдвэрлэнэ. Гадаадад ажиллаж байхдаа үйлдвэрлэлийн осолд өртсөн иргэн 2 улсын хооронд байгуулсан гэрээний дагуу ҮОМШӨДаатгалд даатгуулсан бол тусгай зөвшөөрлийн дагуу гадаадад ажиллах хүч гаргаж байга аж ахуйн нэгж байгууллага ослыг судлан бүртгэнэ.
Асуулт:Үйлдвэрлэлийн осол, хурц хордлогыг судлан бүртгэх комссийн талаар тодоруулна уу?
Хариулт:1.ҮОХХ-ыг судлан бүртгэх орон тооны бус байнгын комисс. /3-аас доошгүй гишүүнтэй, ажил олгогчийн шийдвэрээр байгуулж, даргыг томилно./, 2.Аймаг, нийслэл, сум, дүүргийн Засаг даргын тамгын газраас 1, ажил олгогчоос 2, ажилтны төлөөллөөс 2 төлөөлөл орсон комиссыг Засаг даргын захирамжаар байгуулна. 3.Ноцтой, хор аюул, хохирол ихтэй үйлдвэрлэлийн осол хурц хордлого гарсан тохиолдолд Засгийн газраас томилсон комисс судлан бүртгэнэ. Эхний комисс байгууллага аж ахуйн нэгжийн дэргэд ажиллаж байх ёстой.
Асуулт: ҮОХХ-ыг судлан бүртгэхэд бүрдүүлэх баримт бичиг юу байх вэ?
Хариулт: ҮОХХСБүртгэхэд бүрдүүлэх баримт бичиг: /12 баримт бичиг +бусад/
-Осолдогч бүрээр гарсан ҮОХХ-ын акт
-Осолдогчоос авсан тайлбар тодруулга, гэрчийн тодорхойлолт, ярилцлага.
-осол гарсан ажлын байр, тоног төхөөрөмж, техник багаж хэрэгслийн гэрэл, бүдүүвч зураг, схем, дүрс бичлэг,
-холбогдох хүмүүсээс авсан мэдээлэл, ярилцлага.
-осолд өртөгчид өмнө нь аюулгүй ажиллагааны зааварчилгааны бүртгэлийн хуулбар, сургалтанд хамрагдсны гэрчлэх баримт
-Осолдогчид ажлын тусгай хувцас, хамгаалах, хэрэгсэл олгосон тухай баримт
-улсын байцаагчийн дүгнэлт гэх мэт.
Асуулт: ҮОХХ-той холбоотой маргааныг хэрхэн шийдвэрлэх вэ?
Хариулт:ҮОХХ-той холбоотой маргааныг шийдвэрлэхдээ:
-ослын актыг ажил олгогч, ажилтан зөвшөөрөхгүй бол гомдлоо хөдөлмөрийн мэргэжлийн хяналт хариуцсан төрийн захиргааны байгууллага болон шүүхэд гаргаж, шийдвэрлүлнэ.
-осол гарснаас хойш 6 сарын хугацаа өнгөрсөн бол ослын актыг нөхөн тогтоохгүй.
- хөдөлмөрийн эрүүл ахуйн хяналтын улсын байцаагч нь комиссоос гаргасан ослын актыг хүлээн зөвшөөрөхгүй бол дүгнэлтээ тусад гаргаж болно.
Асуулт: Энэ дүрмийг цаашид шинэчлэх талаар...
Хариулт: “ХАБЭА-н тухай хуульд нэмэлт өөрчлөлт оруулах, Үйлдвэрлэлийн осол, хурц хордлогыг судлан бүртгэх дүрмийг шинэчлэн найруулах ажлын хэсэг”-ийг Хөдөлмөрийн сайдын 2013 оны А/47 дугаар тушаалаар 22 хүний бүрэлдэхүүнтэй байгуулан, ажлын хэсгийг Хөдөлмөрийн яамны Төрийн нарийн бичгийн дарга ахлан ажиллаж байна. Ажлын хэсэгт төрийн болон төрийн бус байгууллага, эрдэмтэн, судлаачид, эзэд, үйлдвэрчний байгууллагын төлөөлөл орсон болно. Мөн Мэргэжлийн хяналтын ерөнхий газар үйлдвэрлэлийн осол, хурц хордлогыг судлан бүртгэх дүрмийг шинэчлэн найруулах ажлын хэсгийг энэ асуудлыг хариуцсан чиг үүргийнхээ дагуу байгуулан ажиллаж байна. Та энэ дүрмийг шинэчлэх талаар саналаа өгч, хувь нэмрээ оруулна уу.
Хөдөлмөрийн харилцааны бодлого зохицуулалтын газар 262617 утсаар лавлаж, саналаа erdene@mol.gov.mn хаягаар ирүүлнэ үү.