Алс баруун хязгаарын хөдөлмөрч
ард иргэдийн “Ажилтай, орлоготой монгол хүн” Хөдөлмөрийн бага чуулган энэ сарын
20-нд Ховд хотод болж, аймгийн ҮЭХ, АОЭХ, Хөдөлмөрийн хэлтэс, сумдын Засаг
дарга, ИТХ-ын дарга, малчид, тариаланчид хувиараа хөдөлмөр эрхлэгчдийн зэрэг
100 гаруй төлөөлөл оролцлоо.
Аймгийн Засаг даргын орлогч М.Амарсанаа, Хөдөлмөрийн яамны Жижиг дунд үйлдвэрийн газрын дарга Б.Бат-Амгалан, нар илтгэл тавьж, Хөдөлмөрийн харилцааны бодлого зохицуулалтын газрын мэргэжилтэн Ш.Мааяа, МҮЭХ-ны ерөнхий зөвлөлийн гишүүн, НУБХҮЭХ-ны ерөнхий нарийн бичгийн дарга Н.Балжинням, МАОЭНХ-ны Бизнесийн харилцаа, гишүүнчлэлийн хэлтсийн дарга Г.Нанжидсамбуу нарын 10 гаруй хүн үг хэлж, санал бодлоо илэрхийллээ.
“Ажилтай орлоготой-Монгол хүн” үндэсний хөтөлбөрийг хэрэгжүүлэх “Ажилтай орлоготой-Ховдчууд” зорилтыг хэлэлцэж, Худалдааны төвийн борлуулалтын цэгийн 25 хувьд нь Ховдод үйлдвэрлэсэн бүтээгдэхүүнийг борлуулах цэг нээх, 2000 хүнийг байнгын ажлын байраар хангах, Хөдөлмөрийн харилцаа ХАБЭА-н эрх зүйн зохицуулалтыг хангах, зохистой хөдөлмөрийн бодлогыг хэрэгжүүлэх, ХМШЗ салбар хорооны ажлыг дүрмийн хүрээнд бодит ажил болгох, орон нутгийн онцлогийн давуу тал, нөөц бололцоог ашиглан “Нэг суурин, нэг бүтээгдэхүүн” дэд хөтөлбөр хэрэгжүүлэх, цалин хөлс, хөдөлмөрийн бүтээмжийн уялдаа холбоог хангуулах, барилга, автозамын бүтээн байгуулалтад ажилгүй иргэдийг хамруулах зэрэг ажилд үйл ажиллагаагаа чиглүүлэхээр боллоо.