Хөдөлмөрийн сайдын нэрэмжит “Хөдөлмөрийн салбарын аварга-2016” тэмцээн сагс, гар бөмбөг, ширээний теннис, шатар гэсэн спортын дөрвөн төрлөөр хоёр үе шаттайгаар болж энэ сарын 6-нд дүнгээ гаргалаа.
Салбарын
спортын шилдгүүдээ тодруулах цуврал тэмцээний эхний шат хоёрдугаар
сарын 26, 27-нд аймгуудын Хөдөлмөрийн хэлтсийнхэн баруун, зүүн, хангайн,
говийн гэсэн дөрвөн бүс, нийслэл болон дүүргүүдийн баг баруун, зүүн
гэсэн хоёр бүст хуваагдан өрсөлдсөн. Эхний шатнаас шалгарсан багууд
өнгөрөгч амралтын өдрүүдэд Хандгайт дахь спорт цогцолборт аваргын төлөөх
шувтаргын тоглолтод хүч үзсэн юм.
Хөдөлмөрийн
яам, Хөдөлмөр эрхлэлтийн үйлчилгээ, судалгаа, мэдээллийн үндэсний төв,
Хөдөлмөрийн эрүүл мэнд судлалын төвөөс гадна нийслэлийн зүүн бүсээс
Налайх, Баянзүрх дүүргийн Хөдөлмөрийн хэлтэс, баруун бүсээс Нийслэлийн
хөдөлмөрийн газар, Баянгол дүүргийн Хөдөлмөрийн хэлтэс, хангайн бүсээс
Хөвсгөл, Булган, зүүн бүсээс Хэнтий, Дорноговь, баруун
бүсээс Увс, Завхан, өмнөд бүсээс Баянхонгор, Өвөрхангай аймгийн
Хөдөлмөрийн хэлтсийн баг тамирчид оролцсон сүүлийн шатнаас багийн
нийлбэр дүнгээр Баянзүрх дүүргийн Хөдөлмөрийн хэлтэс онооны давуугаар
илүүрхэж “Хөдөлмөрийн салбарын аварга-2016” тэмцээний ялагчаар тодорч
шилжин явах цомын эзэн боллоо. Удаах байруудыг нийслэлийн Баянгол
дүүрэг, Өвөрхангай аймгийн Хөдөлмөрийн хэлтэс эзэлсэн юм.
