Чингэлтэй дүүрэг Баянгол, Сүхбаатар, Сонгинохайрхан дүүрэгтэй хил залгаа оршдог, 8.9 га газар нутагтай, засаг захиргааны нэгж 19 хороотой, 38.0 мянган өрхийн 154.0гаруй мянган хүн амтай.
Засаг захиргааны нэгж 19 хороотой, үүний6 хороо нь орон сууцны, 13 хороо нь гэр хороолол болно.
Манай дүүргийн эдийн засгийн гол салбар нь хөнгөн үйлдвэр, барилга, худалдаа, харилцаа холбооны газрууд юм. Монголын Цахилгаан Холбоо, Дамаком, Мобиком, Сансар, Ньютел зэрэг томоохон компаниудаас гадна Номин, Бишрэлт трейд, Шонхор хүнсний зах, Марс, Бөмбөгөр зэрэг томоохон худалдаа үйлчилгээний төвүүд байрладаг.
Дүүргийн нутаг дэвсгэрт төр захиргааны болон хууль хяналтын байгууллагууд, мөн Монгол банк, Худалдаа хөгжлийн банк, Хадгаламжийн банк, Голомт банк, Улаанбаатар хотын банк, Монгол шуудан банк, Зоос банк, Тээвэр хөгжлийн банк зэрэг банк, санхүүгийн томоохон байгууллагууд байдаг.
Аж үйлдвэр, барилгын чиглэлээр Зоос гоёл, Үнэт цаасны үйлдвэр, Юнжин, Хүрд, Одсафт, Монтёр, Монинжбар, Монсан зэрэг улсын хэмжээний томоохон компаниуд үйл ажиллагаагаа явуулж байна.
Тус дүүрэгт төрийн өмчийн 19, хувийн өмчийн 6, нийт 25 цэцэрлэг байдаг бөгөөд төрийн өмчийн 12, хувийн өмчийн 8 ерөнхий боловсролын сургуульд 25 мянга гаруй хүүхэд суралцаж, боловсролын салбарт 1028 багш, ажилчид ажилладаг.Мөн Хөдөлмөрийн дээд сургууль, УлаанбаатарЭрдэм-Оюу, Улаанбаатар Эрдэм-Судлал, Соёлын коллеж, Соёл урлагийн их сургуулиуд байрладаг.
Дүүргийн нутаг дэвсгэрт төсөвт байгууллага 120, улсын үйлдвэрийн газар 18, ХК 9, ХХК 2900, нөхөрлөл 247, хоршоо 92, олон нийтийн байгууллага 243 байгууллага үйл ажиллагаагаа явуулж байна.