Боловсрол, шинжлэх ухааны сайд Л.Гантөмөр Баянгол дүүргийн ерөнхий боловсролын сургууль болон цэцэрлэгийн 1000 багштай уулзлаа.
Баянгол дүүрэгт төрийн өмчийн ба төрийн бус өмчийн 42 сургууль, 58 цэцэрлэгтэй. Эдгээр сургуулийн нэгээс 11-р ангид 32502 сурагч, цэцэрлэгт 12000 хүүхэд суралцаж байна. Мөн дээрх сургуулиудад 1616 багш, цэцэрлэгт 433 багш ажиллаж байгаа юм. Тиймээс боловсролын чанарыг шинэчлэх, "Эрдэм боловсролтой Монгол хүн"-ийг төлөвшүүлэх хэтийн зорилго тавин ажиллаж байгаа салбарын сайд эдгээр багш, ажилчидтай уулзаж, тэдний санаа бодлыг сонсох нь хамгаас чухал хэмээн энэхүү уулзалтыг зохион байгуулсан байна.
Энэ хичээлийн жилд БШУЯ-аас хүүхэд нэг бүрийг хөгжүүлэх арга зүйг нэвтрүүлж "Авьяас" "Ном" "Багш" хөтөлбөрүүдийг баталж ЕБС, цэцэрлэгүүдэд амжилттай хэрэгжиж байгаа. Эдгээр хөтөлбөрүүдийг хэрэгжүүлэх нь хүүхэд бүрийн сэтгэн бодох, зохион бүтээх, урлаг, спортын авьяасыг нээж хөгжүүлэхээс гадна хамгийн эцэг эхчүүдэд хүүхдийнхээ чадварт итгэж, хүүхдийнхээ мэдлэг оюунд хөрөнгө оруулж, дэмждэг сэтгэлгээг суулгах гол зорилгыг агуулж байгаа хэмээн БШУ-ны сайд хэлсэн үгэндээ онцолсон юм.
Мөн "Багш нар сар болгоны эцэст тайлан гаргадаг. Тэгээд зөвхөн сайн тайлан гаргахын төлөө ажиллаад өмнөө байгаа хүүхдүүдээ хөгжүүлэх цаг зав үлддэггүй. Харин одооноос сар бүр тайлан авахаа болино. Багшид хичээлээ хэрхэн заах, хүүхэд бүрийг хөгжихөд хэрхэн туслах вэ гэдгийг өөрөө шийдэх эрхийг нь өгнө. Өөрөөр хэлбэл тухайн хүүхэд өнөөдөр ямар дүн авах нь чухал биш. Хавар анги дэвшихдээ тэр жил мэдэх ёстойгоо л мэдсэн байх ёстой гэсэн шаардлага тавина. Бусад үед багш хичээлээ хэдэн цагаар орж, ямар аргаар яаж зааж, ойлгуулах вэ гэдгээ өөрөө шийднэ. Тэгээд багшийн цалинг нийтээр нь нэмдэг байдлаас илүү багшийн ажлыг зөв үнэлж, урамшуулдаг болно" гэхэд цугласан багш нар алга ташин хүлээж авсан юм.
Түүний дараа БШУ-ны сайд багш нарын санал, сэтгэгдлийг сонсч байнга уялдаатай хамтарч ажиллахаа илэрхийлээд багш нарт хандан "Боловсрол дагасан хөгжил гэж байдгаас Хөгжил дагасан боловсрол гэж байдаггүй гэдгийг ирээдүйн эздийг бэлтгэж байгаа багш хүний хувьд, ээж аавуудын хувьд санаж яваарай" хэмээн захиснаар уулзалт өндөрлөлөө. БШУ-ны сайд цаашид дүүрэг бүрт очин нийт багш нартай уулзахаар төлөвлөж байгаа юм байна
Энэ хичээлийн жилд БШУЯ-аас хүүхэд нэг бүрийг хөгжүүлэх арга зүйг нэвтрүүлж "Авьяас" "Ном" "Багш" хөтөлбөрүүдийг баталж ЕБС, цэцэрлэгүүдэд амжилттай хэрэгжиж байгаа. Эдгээр хөтөлбөрүүдийг хэрэгжүүлэх нь хүүхэд бүрийн сэтгэн бодох, зохион бүтээх, урлаг, спортын авьяасыг нээж хөгжүүлэхээс гадна хамгийн эцэг эхчүүдэд хүүхдийнхээ чадварт итгэж, хүүхдийнхээ мэдлэг оюунд хөрөнгө оруулж, дэмждэг сэтгэлгээг суулгах гол зорилгыг агуулж байгаа хэмээн БШУ-ны сайд хэлсэн үгэндээ онцолсон юм.
Мөн "Багш нар сар болгоны эцэст тайлан гаргадаг. Тэгээд зөвхөн сайн тайлан гаргахын төлөө ажиллаад өмнөө байгаа хүүхдүүдээ хөгжүүлэх цаг зав үлддэггүй. Харин одооноос сар бүр тайлан авахаа болино. Багшид хичээлээ хэрхэн заах, хүүхэд бүрийг хөгжихөд хэрхэн туслах вэ гэдгийг өөрөө шийдэх эрхийг нь өгнө. Өөрөөр хэлбэл тухайн хүүхэд өнөөдөр ямар дүн авах нь чухал биш. Хавар анги дэвшихдээ тэр жил мэдэх ёстойгоо л мэдсэн байх ёстой гэсэн шаардлага тавина. Бусад үед багш хичээлээ хэдэн цагаар орж, ямар аргаар яаж зааж, ойлгуулах вэ гэдгээ өөрөө шийднэ. Тэгээд багшийн цалинг нийтээр нь нэмдэг байдлаас илүү багшийн ажлыг зөв үнэлж, урамшуулдаг болно" гэхэд цугласан багш нар алга ташин хүлээж авсан юм.
Түүний дараа БШУ-ны сайд багш нарын санал, сэтгэгдлийг сонсч байнга уялдаатай хамтарч ажиллахаа илэрхийлээд багш нарт хандан "Боловсрол дагасан хөгжил гэж байдгаас Хөгжил дагасан боловсрол гэж байдаггүй гэдгийг ирээдүйн эздийг бэлтгэж байгаа багш хүний хувьд, ээж аавуудын хувьд санаж яваарай" хэмээн захиснаар уулзалт өндөрлөлөө. БШУ-ны сайд цаашид дүүрэг бүрт очин нийт багш нартай уулзахаар төлөвлөж байгаа юм байна