Нийслэлийн ЕБС болон цэцэрлэгийн багш нар БШУЯ-д ханджээ. Энэ нь Нийслэлийн боловсролын газраас үе үе багш нарын дунд шалгалт явуулж, түвшинг тогтоож, тэднийг мэргэжлийн хувьд эрэмблэхээр болсонтой холбоотой гэнэ.
Уг нь салбарын сайд нь багш нарыг аль болох бичиг, цааснаас холдуулж, хүүхэд бүрийн авьяасыг нээж, тулж ажиллахыг уриалаад байгаа. Гэтэл Нийслэлийн боловсролын газраас хэрэгжүүлж буй дээрх арга хэмжээ багш нарын ажлын ачааллыг нэмэхээс гадна давхар сэтгэлзүйн дарамтад оруулах боллоо хэмээн тэд мэдэгдээд байна. Энэ талаар Нийслэлийн боловсролын газрын орлогч дарга Х.Батбаяраас тодрууллаа.
-Багш нарыг ур чадварынх нь хувьд эрэмбэлж, түвшин тогтоох шалгалт авах журам гарсан гэх юм. Ямар учраас ийм журам хэрэгжих болов оо?
-Нийслэлийн ерөнхий боловсролын сургууль, цэцэрлэгийн сургалтын чанар, хүртээмжийг индексээр дүгнэх Нийслэлийн Засаг даргын 2013 оны дөрөвдүгээр сарын 16-ны өдрийн захирамжийн дагуу журам батлагдсан. Журамд хүүхдийг хөгжүүлсэн, сургалтын чанарт ахиц гаргахад нөлөөлсөн багшийг урамшуулах тухай тусгагдсан. Цаашид жил болгон уламжлал ёсоор явагдах юм. Уг нь жил бүр шинэ хичээлийн жилийн эхэнд, есөөс тавдугаар сар хүртэлх хугацаанд хэрэгжихээр дээрх журам батлагдсан. Гэвч журам саяхан батлагдсан учраас бүрэн гүйцэт хэрэгжих боломжгүйд хүрээд байгаа юм. Энэхүү журам нийслэлийн хэмжээний ЕБС, цэцэрлэгийн багш нарын ажлыг бодитоор үнэлэх зорилготой. Журмын хүрээнд суралчагчдын сурлагын амжилтын индекс гэж гаргасан. Уг индексийг багшийн үнэлэмжтэй харьцуулж, 75 хувиас дээш индекстэй багш нарыг дөрвөн түвшинд ангилна. Тэгэхээр нэг хэсэг нь хангалттай, нөгөө нь хангалтгүй гэсэн дүгнэлт авч магадгүй юм. Гэхдээ энэ нь ямар нэгэн арга хэмжээ авах, хариуцлага тооцох асуудал биш.
-Багш нарт чухам ямар урамшуулал олгох вэ?
-Өндөр индекстэй гарсан багшийг дээд тал нь бүтэн жилийн цалинтай тэмцэх хэмжээний мөнгөөр шагнана. Энэ бол Нийслэлийн иргэдийн хурлаас ЕБС-ийн сургалтын чанарыг дээшлүүлэх, индексээр тооцох тогтолцоог бий болгоход чиглэсэн.
-Ажилласан жилээсээ хамаараад тэтгэлэг, урамшуулал авдаг тогтолцоо багш нарын дунд бий. Энэ жишгээр шинээр журам баталж, багш нарт давхар урамшуулал олгох шаардлага байна уу?
-Энэ журам багш нарын ажлын үнэлэмжийг дээшлүүлэхэд нэлээд дөхөмтэй ажил болох юм. Дээр нь хүүхэд бүрийг хөгжүүлж чадаж байгаа багшийг олж тогтоовол, шинэхэн журам үнэхээр нүдээ олсон ажил болно. Өнөөдөр улсын хэмжээнд таван сая төгрөгөөр шагнагдсан багш бараг байхгүй.
-Багш нар үе үе шалгалт өгөх, энэ мэргэжлийн шалгуур өндөрссөн тухайгаа ярьж байсан. Та үүнд ямар хариулт өгөх вэ?
-Журмын хүрээнд бага боловсролын чанарын шалгалтыг тодорхой хэмжээнд авна. Энэ хичээлийн жилд шалгалт авахаар төлөвлөж байсан тодорхой шалтгаанаар хойшлогдоод байна. Ер нь ирэх намраас журмын дагуу хэн гэдэг багш нь илүү сайн сургаж байна вэ гэдгийг тогтоож, гол хичээлүүдээр сурагчдаас шалгалт авсны дагуу багшийг үнэлэх юм. Тэрнээс багш нар шалгалт өгөх асуудал огт биш.
-Багш нарыг ур чадварынх нь хувьд эрэмбэлж, түвшин тогтоох шалгалт авах журам гарсан гэх юм. Ямар учраас ийм журам хэрэгжих болов оо?
-Нийслэлийн ерөнхий боловсролын сургууль, цэцэрлэгийн сургалтын чанар, хүртээмжийг индексээр дүгнэх Нийслэлийн Засаг даргын 2013 оны дөрөвдүгээр сарын 16-ны өдрийн захирамжийн дагуу журам батлагдсан. Журамд хүүхдийг хөгжүүлсэн, сургалтын чанарт ахиц гаргахад нөлөөлсөн багшийг урамшуулах тухай тусгагдсан. Цаашид жил болгон уламжлал ёсоор явагдах юм. Уг нь жил бүр шинэ хичээлийн жилийн эхэнд, есөөс тавдугаар сар хүртэлх хугацаанд хэрэгжихээр дээрх журам батлагдсан. Гэвч журам саяхан батлагдсан учраас бүрэн гүйцэт хэрэгжих боломжгүйд хүрээд байгаа юм. Энэхүү журам нийслэлийн хэмжээний ЕБС, цэцэрлэгийн багш нарын ажлыг бодитоор үнэлэх зорилготой. Журмын хүрээнд суралчагчдын сурлагын амжилтын индекс гэж гаргасан. Уг индексийг багшийн үнэлэмжтэй харьцуулж, 75 хувиас дээш индекстэй багш нарыг дөрвөн түвшинд ангилна. Тэгэхээр нэг хэсэг нь хангалттай, нөгөө нь хангалтгүй гэсэн дүгнэлт авч магадгүй юм. Гэхдээ энэ нь ямар нэгэн арга хэмжээ авах, хариуцлага тооцох асуудал биш.
-Багш нарт чухам ямар урамшуулал олгох вэ?
-Өндөр индекстэй гарсан багшийг дээд тал нь бүтэн жилийн цалинтай тэмцэх хэмжээний мөнгөөр шагнана. Энэ бол Нийслэлийн иргэдийн хурлаас ЕБС-ийн сургалтын чанарыг дээшлүүлэх, индексээр тооцох тогтолцоог бий болгоход чиглэсэн.
-Ажилласан жилээсээ хамаараад тэтгэлэг, урамшуулал авдаг тогтолцоо багш нарын дунд бий. Энэ жишгээр шинээр журам баталж, багш нарт давхар урамшуулал олгох шаардлага байна уу?
-Энэ журам багш нарын ажлын үнэлэмжийг дээшлүүлэхэд нэлээд дөхөмтэй ажил болох юм. Дээр нь хүүхэд бүрийг хөгжүүлж чадаж байгаа багшийг олж тогтоовол, шинэхэн журам үнэхээр нүдээ олсон ажил болно. Өнөөдөр улсын хэмжээнд таван сая төгрөгөөр шагнагдсан багш бараг байхгүй.
-Багш нар үе үе шалгалт өгөх, энэ мэргэжлийн шалгуур өндөрссөн тухайгаа ярьж байсан. Та үүнд ямар хариулт өгөх вэ?
-Журмын хүрээнд бага боловсролын чанарын шалгалтыг тодорхой хэмжээнд авна. Энэ хичээлийн жилд шалгалт авахаар төлөвлөж байсан тодорхой шалтгаанаар хойшлогдоод байна. Ер нь ирэх намраас журмын дагуу хэн гэдэг багш нь илүү сайн сургаж байна вэ гэдгийг тогтоож, гол хичээлүүдээр сурагчдаас шалгалт авсны дагуу багшийг үнэлэх юм. Тэрнээс багш нар шалгалт өгөх асуудал огт биш.