БМИҮЗ Aзи-номхон далайн орнуудын чанарын сүлжээ байгууллагын“ шилдэг олон улсын харилцаатай байгууллага"-аар шалгарлаа
.jpg)
Ази-Номхон Далайн орнуудын чанарын сүлжээ байгууллагын (Asia-Pacific Quality Network) 2014 оны ээлжит хурал Вьетнам улсын нийслэл Ханой хотноо 2014 оны 03 дугаар сарын 07,08-ны өдрүүдэд "Хувьсан өөрчлөгдөж буй дэлхийн дээд боловсролын магадлан итгэмжлэл" ерөнхий сэдвийн хүрээнд зохион байгууллагдлаа. Хуралд дэлхийн 33 орны 220 төлөөлөгч оролцов.
Монгол улсаас тус хуралд Боловсрол, шинжлэх ухааны яам, Боловсролын магадлан итгэмжлэх үндэсний зөвлөл, ХААИС, ОУЭЗБДС, Хангай ДС, МҮИС зэрэг их дээд сургуулиудын төлөөллүүд оролцлоо.
APQN нь хувь хүнийхээ хувьд, байгууллагынхаа хувьд, улсынхаа хэмжээнд, олон улсын түвшинд ололт, амжилттай байгаа гишүүн 4 байгууллагыг тодруулан шагнадаг. 2014 оны Чанарын Баталгаажуулалтын "Шилдэг олон улсын харилцаатай байгууллага"-аар Монгол улсын Боловсролын Магадлан Итгэмжлэх Үндэсний Зөвлөлийг шалгаруулан шагналыг Ази-Номхон Далайн орнуудын чанарын сүлжээ байгууллагын ерөнхийлөгч Dr. Jagannath Patil БМИҮЗ-ийн дэд дарга, ажлын албаны захирал Х.Батсайханд гардууллаа.
.jpg)
Үндэсний магадлан итгэмжлэх байгууллага нь олон улсын INQAAHE, CHEA, CPSC, ACBSP, ASIIN, ABET зэрэг байгууллагуудтай хамтран ажиллаж эхэлсэн бөгөөд цаашид ч хамтын ажиллагаагаа өргөжүүлэн, дээд боловсролын байгууллагуудын үйл ажиллагааг олон улсын жишигт нийцүүлэх зорилт тавин ажиллаж байна.
Ази, Номхон далайн (бүсийн орнуудын) Чанарын Сүлжээ (APQN) нь 2003 онд Гонконгд байгуулагдсан. Энэ нь Ази болон Номхон далайн баруун хэсэгт орших улс, орнуудын дээд боловсролын Чанарын Баталгаажуулалт (ЧБ)-ын агентлагуудын сургалт, санхүүгийн хэрэгцээг хангахад үйл ажиллагаагаа чиглүүлэн ажилладаг ЧБ-ын томоохон сүлжээ юм. APQN- ний гишүүнчлэлд хамрагдах улс, орнуудыг тодорхойлохдоо ЮНЕСКО -оос гаргасан Ази, Номхон далайн бүсийн гишүүн орнуудын жагсаалтыг баримталдаг бөгөөд Францын Полинези, Гонконг, Шинэ Каледони, Сингапур ба Тайван улсыг нэмж оруулсан байна. Гишүүн бүр нэг тодорхой байгууллагыг төлөөлдөг ба зөвхөн чанарын баталгаажуулалтын үүргийг шууд хариуцан гүйцэтгэдэг агентлагууд APQN -ний жинхэнэ гишүүн болдог. Дэлгэрэнгүй мэдээллийг http://www.apqn.org/ цахим хуудаснаас авна уу.
Боловсролын Магадлан Итгэмжлэх Үндэсний Зөвлөлийн талаар илүү дэлгэрэнгүй мэдээллийг http://www.accmon.mn/цахим хуудаснаас авна уу.