БШУ-ны Сайдын нэрэмжит Монгол-Солонгосын хамтарсан "МОН РОБОТ- 2013" тэмцээний удирдамж

Зорилго:
БШУСайдын нэрэмжит  Монгол-Солонгосын хамтарсан "МОН РОБОТ- 2013" тэмцээнийг "Green city" сэдвийн хүрээнд зохион байгуулж, сурагчдын техник сэтгэлгээг хөгжүүлэх, технологийн дэвшилтэй танилцах, Солонгос найз нөхөдтэй болж зуны амралтыг сонирхолтой, хөгжилтэй өнгөрүүлэх.

Хамрах хүрээ:
·  Монголын улсын БШУЯ, Шинжлэх ухаан технологийн сан
·  "Роботын боловсролын нийгэмлэг"
·  УБ хотын болон хөдөө орон нутгийн ЕБС-ийн багш, сурагчид
·  БНСУ-ын Роботын нийгэмлэг, багш сурагчид
·  Олон Улсын Хүүхдийн Найрамдал Төв

Оролцогчид:
·  Улаанбаатар хотын ЕБС-ийн 8 - 10 дугаар ангийн сурагчид
·  Хөдөө орон нутгийн ЕБС-ийн 8 - 10 дугаар ангийн сурагчид
·  БШУЯ-ны харьяа олон улсын лаборатори сургуулиудын сурагчид
·  ОУХНТ-ийн амрагч сурагчид
·  Солонгосын  ахлах сургуулийн сурагчид

Зохион байгуулалт:
·  Бүртгэл: БШУЯ-ны харьяа олон улсын хөтөлбөрийн "ШИНЭ ЭРИН" лаборатори сургууль дээр 2013 оны 6-р сарын 5-ныг дуустал ажлын өдрүүдэд 09.00-17.00 цагийн хооронд бүртгэнэ.
·  Бүртгүүлэхээр ирэхдээ:1% хувь цээж зураг, хувийн хэрэгтэй ирэх шаардлагатай.
·  Оролцох сурагчид: Олон Улсын Хүүхдийн Найрамдал төв дээр 2013 оны 7-р сарын 23-30-ны өдрүүдэд амрах эрхийн бичиг авсан байх шаардлагатай.3 хоног тэмцээндээ оролцоод үлдсэн 4 хоногтоо Найрамдалдаа үргэлжлүүлэн амарна.
·  Тэмцээн: Олон Улсын Хүүхдийн Найрамдал төв дээр 2013 оны 7-р сарын 23-25-ны өдрүүдэд явагдана.

Тэмцээн явагдах журам:
Тэмцээнд 120 сурагч 4 хүний бүрэлдэхүүнтэй 30 баг болон оролцох бөгөөд эхний 2 өдөр роботыг бүтээж, сүүлийн өдөр өгөгдсөн даалгаврыг биелүүлж уралдана.
1.  БНСУ-аас ирсэн 30 сурагчид: багийн дасгалжуулагчийн үүргээр 
2.  БШУЯ-ны харьяа олон улсын сургуулийн 30 сурагчид:  орчуулагчийн үүргээр
3.  Хөдөө, орон нутгийн болон Улаанбаатар хотын ЕБС-ийн 30 сурагчид: тэмцээнд оролцогчийн үүргээр
4.  Олон улсын хүүхдийн найрамдал төвийн амрагч 30 сурагчид: тэмцээнд оролцогчийн үүргээр оролцоно.
Урьдчилан бэлтгэгдсэн шүүгч нарын бүрэлдэхүүн тэмцээнийг шүүж өгөгдсөн даалгаврыг хэрхэн богино хугацаанд гүйцэтгэснээр байр эзлүүлнэ.

Шагнал урамшуулал:
·  Тэргүүн байр: 1 баг - БШУЯ-ны сайдын нэрэмжит  шагнал, батламж
·  Дэд байр: 1 баг - Ивээн тэтгэгчийн нэрэмжит  шагнал, батламж
·  Гутгаар байр: 3 баг - Ивээн тэтгэгчийн нэрэмжит  шагнал, батламж
·  Тусгай байр: 5 баг - Зохион байгуулагч болон ивээн тэтгэгчдийн нэрэмжит  шагнал, батламж
Жич: Тэргүүн болон дэд байранд орсон 2 багт БНСУ-д  болох "Korean Robot Championship 2014" роботын тэмцээнд оролцох эрхээр шагнана.