Монгол улсын үнэт баялаг, Гэр бүлийн хөгжил, хамгааллын тал дээр Төрөөс ямар бодлого, хөтөлбөр хэрэгжүүлж байгаа болон “Гэр бүлийн хөгжлийг дэмжих жил”-ийн үр дүнгийн талаар Сэтгүүлчид болон хэвлэл мэдээллийн байгууллагуудад Хүн амын хөгжил, нийгмийн хамгааллын яамнаас хэвлэлийн бага хурал зарлаж ХМБ-ууд уламжлан олон нийтэд танилцууллаа.
Хүн амын хөгжил, нийгмийн хамгааллын яамнаас 2014 оны "Гэр бүлийн хөгжлийг дэмжих" жил болгон зарлаж Гэр бүлийн тогтвортой байдлыг дэмжих үндэсний хөтөлбөр, “Миний гэр бүл” хүүхэд хөгжлийн хөтөлбөр боловсруулан хэрэгжүүлж, гэр бүл зөвлөгөө өгөх төвийг байгуулж, олон улсын жишигт нийцүүлэн, Гэр бүлийн жилд гаргасан эрдэм шинжилгээ, судалгааны бүтээлүүд, Гэр бүлд чиглэсэн зөвлөгөө, үйлчилгээ, сургалт, Орон нутагт зохион байгуулсан шинэлэг ажил, Олон нийтэд чиглэсэн арга хэмжээ гэх зэрэг олон бүтээлч ажлыг хийж хэрэгжүүлсэн байна.
Тус хуралд ХАХНХ-ын сайд С.Эрдэнэ, Төрийн нарийн бичгийн дарга Б.Отгонжаргал болон зарим яамдын Төрийн нарийн бичгийн дарга нар, Хүүхдийн төлөө үндэсний газрын дарга И.Нарантуяа, ДЗМОУБ-ын Суурин төлөөлөгч Винсент Эдуардс, Ховд, Дундговь аймгийн засаг захиргаа, гэр бүлийн чиглэлээр үйл ажиллагаа явуулдаг ТББ-уудын төлөөлөл оролцлоо.
Мөн 2014 онд “Гэр бүлийн хөгжлийг дэмжих жилийн хүрээнд идэвхи санаачлагатай ажилласан Төрийн болон төрийн бус байгууллагууд, олон улсын байгууллага, аж ахуйн нэгжүүдэд ХАХНХ-ын сайд С.Эрдэнэ дурсгалын зүйл гардууллаа.
Хүүхдийн төлөө үндэсний газар
