Бизнес, хөрөнгө оруулалтын чиглэлээр мэдээ сурвалжлага дагнан бэлтгэдэг “Japan times” сонин Япон улсын ерөнхий сайд Шинзо Абэгийн айлчлалын хүрээнд манай улсын талаар японы хөрөнгө оруулагчдад мэдээлэл хүргэхээр тусгай дугаар бэлтгэж байна.
Тусгай дугаарын хүндэт зочноор УИХ-ын гишүүн, Барилга, хот байгуулалтын сайд Ц.Баярсайханыг урьж барилга, хот байгуулалтын салбар, Улаанбаатар хотын гэр хорооллыг барилгажуулах, метро барих төлөвлөгөө, барилгын салбарт гадны хөрөнгө оруулагчдыг хэрхэн татах вэ зэрэг асуултанд хариулт авлаа.
“Japan times” сонины сэтгүүлч Та сайдаар ажиллах хугацаандаа энэ салбарт ямар өөрчлөлт хийх вэ гэсэн асуултаар ярилцлагаа өндөрлөв.
Сайд Ц.Баярсайхан: Барилга, хот байгуулалтын салбарыг нээлттэй, хүнд сурталгүй, иргэд бизнес эрхлэгчдэд ээлтэй салбар болгох хүсэлтэй байна. Олон жилийн турш тууштай хэрэгжих моргейжийн зээлийн тогтолцоо бүрдүүлэх, хот байгуулалтын хувьд бүх аймгийн төвийг өөрийн гэсэн онцлог илтгэсэн хот болгохыг зорьж яваа гэж хэллээ.