Нийслэлийн Баянзүрх дүүргийн Мэргэжлийн хяналтын хэлтсээс сар шинийн баярыг угтаж урьдчилан сэргийлэх хяналт шалгалтыг хийлээ. Жуков, Ноён шанхай, Баянзүрх, Монел, Жанжин, Нарантуул зэрэг худалдааны төв, захуудад болон нийт 424 иргэний үлчилгээний цэгийг шалгалтад хамруулсан байна.
Шалгалтаар 23 аж ахуйн нэгж байгууллага, 24 иргэний үйлдвэрлэсэн хүнсний бүтээгдэхүүнээс 77 дээж сорьц авч, эрүүл ахуйн болон шошгоны стандартын шаардлага хангаагүй хүнсний бүтээгдэхүүнийг хуулийн дагуу буцаан татан авалтыг хийлгэсэн аж.
Мөн илэрсэн зөрчил дутагдлыг арилгуулах, хүнсний бүтээгдэхүүний чанар, аюулгүй байдлыг хангуулах, дотоод хяналтыг үр дүнтэй зохион байгуулах талаар заавар зөвлөмж, зөвлөгөөг өгчээ.
Харин урьдчилан сэргийлэх хяналт шалгалтын хүрээнд хэвийн боов болон кремтэй бүтээгдэхүүн, банш бууны үйлдвэр эрхлэгч 33 аж ахуйн нэгж, байгууллагад “Хүнсний аюулгүй байдлын талаархи иргэдийн мэдлэгийг дээшлүүлье” сургалтыг тус хэлтсээс явуулсан байна.