36 дахь удаагийн ээлжит цахим хурлыг ЭМЯ-ны Бодлогын хэрэгжилтийг зохицуулах газрын дарга Я.Буянжаргал удирдан явууллаа. Тэрээр хурлыг нээж өнгөрсөн 7 хоногт эрүүл мэндийн салбарын эргэн тойронд өрнөсөн үйл явдал, онцлох сэдвүүдийг танилцуулав. Өнгөрсөн долоо хоногт улсын хэмжээнд нийт 1531 хүүхэд мэндэлжээ. Эрүүл мэндийн салбарт болсон онцлох үйл явдлаас дурдвал,
• Удирдлагын зөвлөлийн хурлаар
- Хорт хавдраас сэргийлэх хянах дэд хөтөлбөр”-ийн төсөл,
- Хотжилт ба эрүүл мэнд хөтөлбөр”-ийг боловсруулах асуудал,
- Эм, эмнэлгийн хэрэгслийн тухай хуулийн шинэчилсэн найруулгын төслийн үзэл баримтлал,
- Пренатал үеийн илрүүлэг, оношилгооны зааврын төсөл,
- Үргүйдлийн оношилгоо, эмчилгээний зааврын төсөл,
- Архины хортой хэрэглээг бууруулах үндэсний хоёрдугаар хөтөлбөрийн төслийг хэлэлцсэн.
• Эрүүл мэндийн сайдын тушаалууд гарсан.
- “Жирэмсэн болон төрсний дараах үед үзүүлэх тусламж, үйлчилгээний журам 338,
- Нөхөн үржихүйн эрүүл мэндийн үндэсний хөтөлбөрийг хэрэгжүүлэх төлөвлөгөө батлах тухай 378,
- Эх, нярайн эрүүл мэнд” стратегийн шалгуур үзүүлэлтийг шинэчлэн батлах тухай 390 дүгээр тушаалууд батлагдан гарсан.
• Томуугийн үндэсний зөвлөгөөн зохион байгуулж байна.
• Замын хөдөлгөөний аюулгүй байдлыг хангахад салбар хоорондын уялдаа холбоо” Үндэсний зөвлөгөөн зохион байгууллаа.
• ЭХЭМҮТ Нотолгоонд тулгуурласан Анагаах ухаан эрдэм шинжилгээний хурал зохион байгууллаа. Тус хуралд АНУ, Япон, БНСУ-ын эрдэмтэд оролцож лекц уншиж, тус төвийн эмч нар эх, нярайн чиглэлээр илтгэлүүд тавьж хэлэлцүүлсэн байна.
• ЭМЯ-наас 2014 оныг “Эх, хүүхдийн эрүүл мэндийг дэмжих жил” болгосонтой холбоотойгоор Төв аймгийн Нэгдсэн эмнэлгийн Хүүхдийн тасгийн эрхлэгчийн санаачлагаар аймгийн төрийн болон төрийн бус байгууллага, иргэдэд уриалга хүргүүлж, 73 төрийн ба төрийн бус байгууллага, аж ахуйн нэгж бүтээн байгуулалтад оролцон, хандив өгснөөр “Хүүхдийн тасгийг” 6 сарын хугацаанд иж бүрэн засварлаж ашиглалтад оруулсан байна.
• Эх, хүүхдийн эрүүл мэндийг дэмжих жил”-ийн хүрээнд иргэд, албан байгууллага, аж ахуй нэгжүүд эрүүл мэндийн үйл ажиллагааг дэмжиж байна. Дархан-Уул аймгийн Орхон сумын иргэн Монгол Улсын Тэргүүний тариаланч Б.Хадбаатар өөрийн санаачилгаар сумынхаа Эрүүл мэндийн төвд ахмад настан, хөгжлийн бэрхшээлтэй иргэдийн эмчилгээний өрөөг тохижуулан, хүлээлгэж өглөө. Үүнд эмнэлгийн зориулалтын ор, хөгжлийн бэрхшээлтэй, хэвтрийн өвчтөний олон үйлдэлтэй ор, дугуйтай түшүүр, телевизор, шүүгээ, дуслын өлгүүр, орны бүтээлэг зэрэг нийт 3.2 сая төгрөгийн дэмжлэг үзүүлсэн байна.
• Завхан аймгийн Эрүүл мэндийн газраас “Яаралтай шинж тэмдэг бүхий хүүхдүүд”, “Хүүхдийн эрэмбэлэн ангилах яаралтай тусламж” сэдэвт сургалтыг зохион байгуулжээ. Тус сургалтыг ЭХЭМҮТ-ийн их эмч О.Солонго, Н.Буянхишиг нар удирдан явуулсан бөгөөд нийт 31 эмч, мэргэжилтнүүдийг хамруулсан байна.
• “Дэлхийн 00-ын холбоо” 2001 оны 11 дүгээр сарын 19-ний өдөр анх байгуулагдсан бөгөөд жил бүрийн энэ өдрийг “Дэлхийн 00-ын өдөр” хэмээн тэмдэглэн иржээ. Энэ өдрийг тохиолдуулан ЭМЯ-наас хэвлэлийн бага хурал хийж, нийгмийн эрүүл мэндийн чухал асуудлын нэг болох халдварт өвчнийг бууруулахад зориулалтын ариун цэврийн өрөө, зориулалтын гадаа бие засах газартай байх нь орчны бохирдлыг бууруулах ач холбогдолтойг мэдээллээ.
Энэ удаагийн цахим хуралд Төв аймаг “Эх, хүүхдийн эрүүл мэндийг дэмжих жил”-ийн хүрээнд хийсэн ажлаа танилцуулсан. Тус аймагт эрүүл мэндийн 68 байгууллагад 1223 эмч, мэргэжилтнүүд ажилладаг байна. Эрүүл мэндийн салбарын 2014 оны нийт санхүүжилт 12.302.5 сая төгрөг. Оны эхний 9-н сард аймгийн хэмжээнд нийт 1032 төрөлт бүртгэгдсэн бөгөөд амьд төрсөн хүүхэд 1037. Эхийн эндэгдэл бүртгэгдээгүй байна. Аймгийн хэмжээгээр нөхөн үржихүйн насны 7445 эмэгтэйг урьдчилан сэргийлэх үзлэгт хамруулснаас 4027 эмэгтэй өвчтэй илэрсэний 82.6%ийг эмчлэн эрүүлжүүлж 24%-ийг хяналтанд авсан байна. Хяналт, шинжилгээ үнэлгээг 26 сум, 1 өрхийн эмнэлэгт 1-2 удаа хийж, урианы жилийн үйл ажиллагааны явцын байдалтай танилцаж, зөвлөмжийг хүргүүлсэн. Тус аймгийн хувьд эмнэлгийн тусламж үйлчилгээнд хэрэглэгдэж буй тоног төхөөрөмжийг шинэчлэх, эмнэлгийн тоног төхөөрөмжийн инженерийг мэргэшүүлэх шаардлага тулгарч байгааг дуулгалаа.
БХЗГ-ын дарга Я.Буянжаргал цахим хуралд оролцсон нийт эмч, мэргэжилтнүүдэд хандан зарим анхааруулга, сануулгыг хүргэлээ. Хүйтэн сэрүүний улирал ирж байгаатай холбогдуулан хүүхдүүд ханиад, томуугаар өвчлөх байдал нэмэгдэж байна. Иймээс үүнд анхаарал хандуулах ёстой эцэг эхчүүд, асран хамгаалагч нарт ханиад, томуунаас сэргийлэх тухай сургалт, мэдээллийг идэвхитэй явуулах хэрэгтэй байгааг анхааруулсан юм.
Өнөөдөр зохион байгуулсан “Эх, хүүхдийн дэмжих жил”-ийн ээлжит цахим хуралд ЭМЯ-ны БХЗГ-ын дарга Я.Буянжаргал, ЭХЭМҮТ-ийн захирал Ш.Энхтөр, аймгийн ЭМГ, НЭМГ, ЭМЯ-ны харьяа байгууллагуудаас 70 гаруй эмч, мэргэжилтэн, удирдлагууд цахимаар болон ирж оролцлоо.
Ирэх долоо хоногт болох цахим хурлаар Завхан, Дундговь аймгууд “Эх, хүүхдийн эрүүл мэндийг дэмжих жил”-ийн хүрээнд хийсэн ажлаа танилцуулахаар боллоо.
