Энэ оны 10 дугаар сараас эхлэн вирусын гаралтай /респиратор синцитиал вирус, аденовирус, риновирус/ томуу, томуу төст өвчин гарч байна. Ялангуяа респиратор синцитиал вирус нь уушгины завсрын эдийг гэмтээж, бага насны хүүхдэд хүнд хэлбэрийн хатгалгаа үүсгэж хүндэрдгийг анхааруулж байна.
Иймд эцэг эх, асран хамгаалагчид бага насны хүүхэддээ:
1. Дааруулахгүй, дулаан хувцаслах,
2. Ханиад хүрсэн үед нь цэцэрлэг, сургуульд нь явуулахгүй байж, сайтар асрах, олон нийтийн газраар дагуулж явахгүй байх,
3. Гараа сайтар савандаж угаах, бохирдсон гараа нүдэнд хүргэхгүй байх,
4. Гэр орноо дулаан байлгах, чийгтэй цэвэрлэгээг хийж, 2 цаг тутам өрөө тасалгааг агааржуулах,
5. Амин дэмээр баялаг хоол хүнс хэрэглэх, буцалсан бүлээн шингэн уулгах,
6. Цэгэн иллэг хийж хэвших,
7. Дур мэдэж антибиотик хэрэглэхгүйгээр эмчид хандах,
8. Хүүхдийг амрааж, тайван байлгах зэргээр анхаарал тавихыг зөвлөж байна.
Шуурхай удирдлагын төв