2014 оны 10 дугаар сарын 29-ний өдрийн 10.00 цагийн байдлаар:
Монгол улсад:
Хорт хийнд найман хүн хорджээ
Өчигдөр буюу 2014 оны 10 дугаар сарын 28-ны өдөр Нийслэл хотын Төв цэвэрлэх байгууламжийн лагийг цэвэрлэхээр ажиллаж байсан найман хүн хорт хийнд хордсон байна. Эдгээр ажилтнуудын хоёр нь ГССҮТ-д эмчлүүлж байгаа бол үлдсэн зургаан өвчтөн нь Хордлогын яаралтай тусламжийн төвд хэвтэн эмчлэгдэж байна.
Эх сурвалж: Хордлогын яаралтай тусламжийн төв, ГССҮТ
Булган аймгийн Гурванбулаг суманд малын галзуу өвчин бүртгэгдлээ
Булган аймгийн Гурванбулаг суманд нэг үхэр галзуу өвчнөөр өвчилсөн нь лабораторийн шинжилгээгээр батлагдсан байна. Тухайн бүс нутагт 10 дугаар сарын 28-ний өдрөөс эхлэн хорио цээрийн дэглэм тогтоожээ.
Эх сурвалж: ОБЕГ
Дэлхий дахинд:
Эбола вируст халдвар, дэлхий дахинд (албан мэдээ):
2014 оны 10 дугаар сарын 23-ны өдрийн байдлаар:
• Дэлхийн 9 улсад (Гвиней, Либери, Сьерро-Леон, Нигер, Сенегал, Испани, АНУ, Мали, БНАКАУ) эбола вируст халдварын нийт 10208 тохиолдол бүртгэгдэж, 4971 (49%) хүн нас барсан байна.
• 10 дугаар сарын 19-ний өдрөөс хойш тус халдварын 206 шинэ тохиолдол бүртгэгдсэн бол нас баралт 45 хүнээр нэмэгдсэн байна.
• Нийт 450 эрүүл мэндийн ажилтан өвчилж, 244 хүн нас барсан бөгөөд энэ нь нийт өвчлөлийн дунд 4.4 хувийг эзэлж байна.
Эх сурвалж: ДЭМБ
Шуурхай удирдлагын төв