ЭМЯ-ны Хүний эмийн зөвлөлийн Биобэлдмэл, оношлуурын салбар зөвлөлөөс Төрийн нарийн бичгийн даргын 2014 оны 9 сарын 23-ны 255 дугаар тушаалаар томилогдсон Биобэлдмэл, оношлуурын улсын бүртгэлийн шинжээч нарт “Оношлуурын бүртгэлийн шинжээч ажиллуулах журам” сэдэвт сургалт зохион байгуулав.
Сургалтаар Биобэлдмэл, оношлуурын улсын бүртгэлтэй холбогдох хууль, дүрэм журам, оношзүйн дүгнэлт гаргахад баримтлах зарчим, мөрдөх ёсзүйн хэм хэмжээний талаар хичээл зааж, шинжээчид тавих шаардлага, шинжээчийн эрх үүргийн талаар дэлгэрэнгүй танилцуулж, шинжээч нартай ажил гүйцэтгэх гэрээ байгуулан хуулийн дагуу ашиг сонирхлын зөрчлийн мэдүүлэг гаргуулж, шинжээчийн үнэмлэхийг өглөө. Шинжээчдийн сургалтад ЭМЯ-ны БХЗГ-ын Эмнэлгийн тусламжийн газрын дарга, Хүний эмийн зөвлөлийн Биобэлдмэл, оношлуурын салбар зөвлөлийн дарга Я.Амаржаргал, Эм,эмнэлгийн хэрэгслийн хэлтсийн дарга М.Уранчимэг, мэргэжилтэн Д.Чулуунцэцэг, Биобэлдмэл, оношлуурын салбар зөвлөлийн гишүүн Н.Мөнхтүвшин нар оролцлоо.
