Гэмтэл согог судлалын үндэсний төв нь эрүүл мэндийн салбарын нээлттэй хаалганы өдөр буюу байгууллагын үйл ажиллагааг олон нийтэд танилцуулах, сурталчлах үйл ажиллагаанд оролцож ард иргэддээ үйлчиллээ. Төвийн нэгж, тасгууд өөрийн онцлогт тохирсон зөвлөмжүүдийг бэлтгэн иргэдэд түгээх, түүнийгээ ухуулан танилцуулах ажлыг зохион байгуулсан. Ингэснээр иргэдийг осол гэмтлийн шалтгаант өвчин эмгэгээс урьдчилан сэргийлэх дадалд сургах, тэдний мэдлэг, ойлголтыг нэмэгдүүлэхэд чиглэн ажилласан юм. Мөн энэхүү өдөрлөгийн үеэр “Хэцүү үүрэг” осол гэмтлээс сэргийлэх тухай богино хэмжээний киног нээлттэй хаалганы 2 өдрийн турш зурагтын дэлгэцээр иргэдэд хүргэсан. Уг кино иргэдийн сонирхлыг илүү татаж байлаа.
ГССҮТ-ийн хамт олон өөрсдийн үйл ажиллагааг ард иргэдэд дэлгэн танилцуулах, тэдний санаа бодлыг сонсох энэхүү өдөрлөгийн үйл ажиллагаа үр өгөөжтэй болж буйг хэлж байв. Тус төвийн хэмжээнд хийгдэж буй шинэ багаж, хэрэглэлийн танилцуулга, гэмтэл, согогтой хүмүүст зөвлөгөө өгөх, мөн урьдчилан сэргийлэх мэдлэг өгөх чиглэлээр 2014 оны 10 дугаар сар 11-12-ны амралтын өдрүүдэд Чингисийн талбайд салбарынхантайгаа хамт ийнхүү ажилласан юм. Мөн нөхөн сэргээх тасгийн хамт олон гарын доорхи материал ашиглан хийсэн чиг, бүслэвчүүдээс зарим хөгжлийн бэрхшээлтй иргэдэд тааруулан олгосон байна. Түүнчлэн нөхөн сэргээх эмчилгээнд хэрэглэгдэж байгаа багаж хэрэгслийг өөрөө өөртөө хэрхэн ашиглах талаар сургалтыг зохион байгуулсан аж. Эрүүл мэндийн салбарын нээлттэй хаалганы өдрийн арга хэмжээнд ГССҮТ-ийн нийт 110 эмч, сувилагч, мэдээлэл технологийн ажилчид оролцжээ.
Зөвлөмж,
Та “Жолоо барихын өмнө”
• Нойр муутай хоносон, ядарсан, төрөл бүрийн тайвшруулах болон нойрны эм хэрэглэсэн, сэтгэл санаа тавгүй үедээ жолоо барихаас татгалзаарай.
• Хурд хэтрүүлэхгүй, хурдаа тохируулж явуурай.
• Бусадтай ярих, дуулах, машины радиогоор дуу хөгжим чангаар тавих зэргээр жолооч анхаарлаа, түүний анхаарлыг сарниулахгүй байх хэрэгтэй.
• Завсарлагагүй удаан хугацаагаар жолоо барихаас татгалзах, холын замд өөр хүнтэй ээлжилж барих нь зөв арга юм.
• Жолоо барьж байх үедээ согтууруулах ундаа хэрэглэх хэрэггүй. Хэрэв согтууруулах ундаа хэрэглэхээр төлөвлөсөн бол машинаа гэртээ орхих.
• Ямар нэг байдлаар согтууруулах ундаа хэрэглэсэн тохиолдолд хөдөлгөөнд оролцохгүй байх эсвэл машин барих эрх бүхий өөр хүнээр машинаа бариулах.
• ДЭМБ-ын судалгаагаар тууврийн хэрэгслийн хурдыг 50 км/цагаас 80 км/цаг бологоход осол гарч явган хүн нас барах магадлал 8 дахин ихэсдэг байна. хурдыг 1 хувиар бууруулахад осол гарах магадлал 2-3 хувиар буурдаг байна.
• Унадаг дугуу, мотоциклд цацруулагч хэрэглэх.
Эдгээр нь ослыг 10-15 хувиар бууруулах хамгийн хямд төсөр арга юм.
Унадаг дугуй, мотоцикл унаж яваа хүмүүс хамгаалалтын малгай өмсөж занших. Учир нь эдгээр тээврийн хэрэгсэлээс унасан хүн ихэвчлэн толгойдоо гэмтэл авдаг ба тархины гэмтлийн улмаас тахир дутуу болох, нас барах явдал элбэг тохиолддог байна.
