Дэлхий дахинд хийгээд Монгол улсад үүсээд байгаа нөхцөл байдал болох хүнсний аюулгүй байдал алдагдсантай холбоотой үүсэх өвчин мөн дэлхий дахинд анхаарал татаад байгаа Эбола вируст халдварын талаар мэдээлэл солилцох уулзалтыг өнөөдөр ЭМЯ-ны Шуурхай удирдлагын төвд хийлээ.
Уулзалтад Эрүүл мэндийн сайдын ахлах зөвлөх М.Туяа, НЭМХ-ийн дарга Д.Нарангэрэл, НЭМХ-ийн мэргэжилтэн Д.Ганзориг, Ш.Уранцэцэг, МХЕГ-ын Эрүүл мэндийн хэлтсийн дарга Д.Баярболд, МХЕГ-ын Экспорт, импортын хэлтсийн дарга Э.Аззаяа болон албаны бусад хүмүүс оролцов.
Уг уулзалтын үеэр хичээлийн шинэ жил эхэлсэнтэй холбоотой хүүхдийн байгууллагад дэгдэлт байдлаар бүртгэгдэж байгаа хоолны хордлогын үед эрүүл мэнд болон мэргэжлийн хяналтын байгууллагын хамтын ажиллагаа сайжруулах, өвчний шалтгаан, эрсдэлт хүчин зүйлийн талаар зөвшилцсөн.
Мөн түүнчлэн Эбола вируст халдварын үеийн бэлэн байдлыг хамтарч хангах, Буянт-Ухаа дахь хилийн боомтын хяналтыг чангатгах, байцаагч нарыг хувийн хамгаалах хэрэгслээр хангах, сургалтад хамруулах, цаашид шуурхай удирдлагын төвтэй байнгын холбоотой ажиллаж, үйл ажиллагаагаа өргөжүүлэхээр шийдвэрлэлээ.
Шуурхай удирдлагын төв
