Нийслэлийн Баянзүрх дүүргийн Засаг даргын Тамгын газар, Ахмадын хорооноос 28 хорооныхоо ахмадуудыг Монгол Бөхийн өргөөнд хүлээн авч, хүндэтгэл үзүүллээ. Хүндэтгэлийн арга хэмжээнд ИТХ-ын дарга Ц.Батхүү, Засаг дарга Д.Пүрэвдаваа, ИТХ-ын ажлын албаны дарга Ч.Мэндсайхан, Засаг даргын орлогч Т.Баясах, Т.Батцогт, Засаг даргын зөвлөх Ш.Батхишиг, Тамгын газрын дарга Б.Амартүвшин, Ахмадын хорооны дарга Ж.Гажсүрэн, Нийгмийн хөгжлийн хэлтсийн дарга С.Сувд-Эрдэнэ болон албаны бусад хүмүүс оролцсон.
Хүндэтгэлийн арга хэмжээний үеэр Ахмадын дунд жил бүр зохион байгуулагддаг “Хаан вальс” бүжгийн тэмцээний аваргуудад шагнал гардуулсан. Мөн Монголын Ахмадын хорооны хүндэт тэмдэгээр 4-р хорооны Ахмадын зөвлөлийн дарга Ц.Тооёо, 27-р хорооны намын үүрийн дарга Ш.Батхишиг, 17-р хорооны өндөр настан С.Долгорсүрэн, 9-р хорооны Ахмадын хорооны дарга А.Сайнбилэг нарын 13 хүнийг шагнасан.
Харин Нийслэлийн Ахмадын хорооны хүндэт тэмдэгээр 20-р хорооны Шар хоолойн хэсгийн ахмад Ч.Энэбиш, 27-р хорооны ахмад, Худалдаа үйлчилгээний тэргүүний ажилтан Л.Саарал, 14-р хорооны ахмад багш М.Ихцэнгэл, 6-р хоооны Ахмадын зөвлөлийн дарга Н.Дулмаа нарын 12 хүнийг шагнасныг гардуулан өглөө. Түүнчлэн дүүргийн Хөдөлмөрийн хэлтсээс Монголын эмэгтэйчүүдийн холбооны хүндэт тэмдэгээр Г.Бямбажав, Монголын сайхан “Буянт ээж” цол тэмдэгээр Ц.Халтмаа нарыг шагнасныг гардуулан өгсөн юм.
Дашрамд сонирхуулахад, 2014 оны нэгдүгээр сарын байдлаар Баянзүрх дүүргийн Ахмадын хороонд 24.970 ахмад бүртгүүлжээ. Бүртгэгдсэн ахмад настнуудын 15.000 гаруй нь эмэгтэй, 7500 орчим нь эрэгтэй байгаагаас 100-гаас дээш настай долоон хүн байгаа аж. Харин 91-99 настай ахмад настан 217, 80-99 настай 1.549, 71-79 настай 4.803, 66-70 настай 4123, 55-65 настай 11.764 ахмад настан амьдарч байна.