“Эх, хүүхдийн эрүүл мэндийг дэмжих жил”-ийн хүрээнд “Эх, хүүхдийн эрүүл мэндийн тулгамдсан асуудал салбар хоорондын хамтын ажиллагаа” сэдэвт зөвлөгөөнийг Дорноговь аймагт энэ сарын 24-25-ны өдрүүдэд зохион байгууллаа.
Зөвлөгөөний эхний арга хэмжээ “Эмнэлзүйн-конференц” зохион байгуулах үйл ажиллагаа байлаа. Конференцийг хүүхдийн эндэгдэлтэй холбоотой хоёр тохиолдол сонгон, бэлтгэл ажлыг хангаж, эх барих, эмэгтэйчүүд болон сумын эрүүл мэндийн төвийн эмч нарын хүрээнд ЭМЯ-ны Оношилгоо, эмчилгээ, технологийн хэлтсийн мэргэжилтэн Ж.Мөнхжаргал, ЭМЯ-ны хүүхдийн зөвлөх мэргэжилтэн, ЭХЭМҮТ-ийн нярайн тасгийн эрхлэгч АУ-ны доктор Б.Баясгалантай нартай хамтран зохион байгуулж, алдаа оноогоо хэлэлцсэн үр дүнтэй арга хэмжээ боллоо.
Уг зөвлөгөөнд аймгийн Засаг П.Ганхуяг, ЭМЯ-ны Оношилгоо, эмчилгээ, технологийн хэлтсийн мэргэжилтэн Ж.Мөнхжаргал, ЭМЯ-ны хүүхдийн зөвлөх мэргэжилтэн, ЭХЭМҮТ-ийн нярайн тасгийн эрхлэгч АУ-ны доктор Б.Баясгалантай, аймгийн ЗДТГ-ын НХХ-ийн дарга Ч. Цэцэгмаа болон сумдын Засаг дарга, эрүүл мэндийн төв, аймгийн хэмжээнд үйл ажиллагаа явуулж буй хүүхдийн оролцооны байгууллагуудын удирдлагууд зэрэг нийт 58 төлөөлөгч оролцлоо.
Зөвлөгөөнийг аймгийн Засаг дарга П.Ганхуяг нээж үг хэлсэн бөгөөд аймгийн ЭМГ-ын дарга У.Отгонбаяр “Эх, хүүхдийн эрүүл мэндийг дэмжих жил”-ийн хүрээнд хийсэн ажлын явц, анхаарах асуудлууд, ЭМЯ-ны мэргэжилтэн Ж.Мөнхжаргал “Эх, хүүхдийн эрүүл мэндийг дэмжих жил”-ийн салбарын бодлого, тулгамдсан асуудлууд сэдвүүдээр илтгэл тавьж мэдээлэл хийлээ.
Зөвлөгөөний эхний арга хэмжээ “Эмнэлзүйн-конференц” зохион байгуулах үйл ажиллагаа байлаа. Конференцийг хүүхдийн эндэгдэлтэй холбоотой хоёр тохиолдол сонгон, бэлтгэл ажлыг хангаж, эх барих, эмэгтэйчүүд болон сумын эрүүл мэндийн төвийн эмч нарын хүрээнд ЭМЯ-ны Оношилгоо, эмчилгээ, технологийн хэлтсийн мэргэжилтэн Ж.Мөнхжаргал, ЭМЯ-ны хүүхдийн зөвлөх мэргэжилтэн, ЭХЭМҮТ-ийн нярайн тасгийн эрхлэгч АУ-ны доктор Б.Баясгалантай нартай хамтран зохион байгуулж, алдаа оноогоо хэлэлцсэн үр дүнтэй арга хэмжээ боллоо.
Мөн “Эх, хүүхдийн эрүүл мэндийг дэмжих жил”-ийн хүрээнд идэвхи санаачлагатай ажиллаж буй Замын-Үүд сумын Засаг дарга М.Баянмөнх, Айраг сумын Засаг дарга С.Ганбаатар нар сумын түвшинд “Эх, хүүхдийн эрүүл мэндийг дэмжих жил”-ийн үйл ажиллагааны өнөөгийн байдал, тэргүүн туршлага, цаашид авах арга хэмжээ сэвдүүдээр илтгэл тавьж тэргүүн туршлагаасаа хуваалцсан байна.
Түүнчлэн зөвлөгөөнийн төгсгөлд зөвлөмжийн төслийг хэлэлцүүлэн батлууллаа.
