“Оюутны эрүүл мэндийг дэмжих сар”-ын аяны хүрээнд Увс аймгийн Улаангом политехник коллеж, Хөдөлмөрийн дээд сургуулийн оюутан, сурагч нарт “Эрүүл мэндийн довтолгоо”, “Заавал хэвшүүлэх 21 дадал”-ын талаар сургалт сурталчилгаа хийж байна.
Оюутны дотуур байранд халдварт бус өвчний эрсдэлт хүчин зүйлсээс сэргийлэх, БЗДХ.ХДХВ/ДОХ, сүрьеэ, эсэн мэнд амаржихуй, гэр бүл төлөвлөлт, үе тэнгийнхний дарамт шахалтыг эсэргүүцэх зэрэг сэдвээр мэдээлэл сургалт сурталчилгаа зохион байгуулж, 1-р курсын оюутнуудыг эрүүл мэндийн урьдчилан сэргийлэх үзлэг шинжилгээнд оруулж байна.
Мөн оюутнуудад эрүүл мэндийн даатгалын дэвтэр, үзлэгийн карт олгох ажлыг зохион байгуулж, дотуур байрны сурагчдын дунд өсвөр насныханд тулгамдсан асуудал сэдвээр танин мэдэхүйн уралдаан, “Заавал хэвшүүлэх 21 дадал”-аар оюутнуудын дунд АХА тэмцээн зохион байгуулах, эрүүл мэндийн тулгамдсан асуудлаар мэдээлэл өгч, ярилцлага зохион байгууллаа.
Уг үйл ажиллагаанд Улаангом политехникийн коллеж, Хөдөлмөрийн дээд сургуулийн салбар сургуулийн 590 оюутан оролцож, “Заавал хэвшүүлэх 21 дадал”-аар самбартай сургалт зохион байгуулж, 150 хүүхдийг хамрууллаа.
“Заавал хэвшүүлэх 21 дадал”-аар нийт 1250 хүүхдэд мэдээлэл, сургалт сурталчилгааны ажлыг зохион байгуулж, самбартай сургалт гарын авлага зөвлөмжийг түгээв.
