Хүн амд “Заавал хэвшүүлэх 21 дадал” хэвшлийг төлөвшүүлэх зорилготой “Эрүүл мэндийн довтолгоо”-ны арга хэмжээний бэлтгэл ажлууд өнгөрсөн 5, 6-р саруудад хийгдэж байсан бол 7 сараас улам идэвхжиж, олон нийтийн оролцоонд түшиглэсэн, нийгэм хамт олонд хандсан төрөл бүрийн арга хэмжээнүүд зохион байгуулагдсаар байна. Үүнд:
• “Эрүүл зохистой хооллолт-Таны эрүүл мэндэд” –өдөрлөг
• “Эрүүл байх энгийн алхам ба хөдөлгөөн эрүүл мэнд – ажлын байрны хөгжимт дасгал
• Ахмадуудад зориулсан “Анхилам үнэрт хийн дасгал”
• “Архидалтгүй суманд жаргалтай амьдарцгаая” уриатай явган аялал
• “Осол гэмтлээс сэргийлье” жолооч нарын сургалт , өдөрлөг
• “Жирэмслэлтийн эрүүл мэнд” – оюутнуудад зориулсан аян, эмэгтэйчүүдийн уулзалт, ярилцлага
• “Нарны алхалт” бүх нийтийг хамарсан арга хэмжээ
• “Халдварт өвчин ба БЗДХ-аас сэргийлье” оюутан залуучуудын үзлэг, шинжилгээ, сургалт
• Иргэдэд заавал хэвшүүлэх 21 дадал хэвшлийн сэдэвт иргэдийг хамруулсан сургалтууд зэрэг үйл ажиллагаанд 30 гаруй байгууллага 20,000 гаруй иргэн хамрагдсан.
Мөн орон нутгийн DBS, LHA, MBN телевиз, FM 106.5 104.5 -аар “Эрүүл мэндийн довтолгоо” арга хэмжээний реклам, шторкууд тасралтгүй цацагдаж байна.
Эрүүл мэндийн газрын даргын тушаалаар эрүүл мэндийн байгууллагуудын аж ахуй нэгжийн байгууллага, хамт олонд “Заавал хэвшүүлэх 21 дадал, хэвшлийн талаар сургалт, сурталчилгаа хийх хуваар”-ийг гаргаж, “Эрүүл мэндийн довтолгоо” арга хэмжээг улам идэвхжүүлэхээр шийдвэрлэв.
