“Эрүүл мэндийн довтолгоо” арга хэмжээний хүрээнд Өвөрхангай аймгийн Эрүүл мэндийн газраас “Антибиотикийн зохистой хэрэглээг төлөвшүүлэх нь” сэдэвт “Эмийн санчдын нэг өдөр” өдөрлөгийг амжилттай зохион байгууллаа.
Уг өдөрлөгт хувийн хэвшлийн эмийн сан, сумын Эмийн эргэлтийн сан, Бүсийн оношилгоо, эмчилгээний төвийн эмийн мэргэжилтэн, өрхийн эрүүл мэндийн төвийн эмч зэрэг нийт 45 эм зүйч, эм найруулагч нар оролцлоо.
“АНТИБИОТИКИЙН ЗОХИСТОЙ ХЭРЭГЛЭЭГ ТӨЛӨВШҮҮЛЭХ НЬ” сэдэвт “ЭМИЙН САНЧДИЙН НЭГ ӨДӨР” өдөрлөгийг иргэдэд антибиотик эмийн зохистой хэрэглээний талаар тайлбарлан таниулах, эмийн зохистой хэрэглээг төлөвшүүлэх, эмийг зөв хэрэглэх дадал олгох мэдээлэл, сургалт, сурталчилгааны үйл ажиллагааг зохион байгуулж, нийт 400 гаруй иргэнийг хамруулжээ.
Мөн энэ үеэр 110 гаруй иргэний даралтыг үзэж, витаминжуулах ажлыг зохион байгуулж, 7 төрлийн 400 гаруй сурталчилгааны материалыг түгээсэн байна. Мөн эм зүйч, эм найруулагчдын дунд “БИДНИЙ МЭРГЭЖИЛ – БИДНИЙ БАХАРХАЛ” сэдэвт ажил мэргэжлийн уралдааныг амжилттай зохион байгууллаа.
Ажил мэргэжлийн уралдаанд сумдын Эмийн эргэлтийн сан, Моносфарм трейд, Цомбо, Еврофарм, Азифарм, МЭИК-ний салбар Эм ханган нийлүүлэх төвүүд, Аура, Эм гоо, Ганга зэрэг хувийн хэвшлийн эмийн сангийн нийт 65 эмийн мэргэжилтэн оролцож, мэргэжлийн чадвараараа хүч тэнцүү өрсөлдлөө. Уралдааны тэргүүн байрт эм зүйч С.Шоовдор ахлагчтай “Ариун тун” баг тэргүүлжээ.
