Сум, өрхийн эрүүл мэндийн төвүүдэд “Эрүүл мэндийн довтолгоо” арга хэмжээний хүрээнд хяналт, үнэлгээний төлөвлөгөө гарган ажиллаж байна.
Хяналт үнэлгээгээр 09 дүгээр сарын 15-ны байдлаар “Энхийн хүслэн”, “Шимбилэг”, “Өнө-орших” өрхийн эрүүл мэндийн төвүүд, Цогтцэций, Ханбогд сумын сум дундын эмнэлэг, Манлай, Баян-овоо сумын эрүүл мэндийн төвүүдэд хяналт үнэлгээ хийж ажиллалаа.
Уг хяналтаар эрүүл мэндийн довтолгоо үйл ажиллагааний төлөвлөгөөний хэрэгжилт дунджаар 50,5 хувьтай хэрэгжиж байна. 21 дадлын номын түгээлт 60,5 хувьтай явагдаж байна. “Эрүүл мэндийн довтолгоо” арга хэмжээг эрчимжүүлэх зорилготой хяналт үнэлгээний үр дүнд Эрүүл мэндийн газраас 17 сум, өрхийн эрүүл мэндийн төвд 10 заалт бүхий зөвлөмж хүргүүлээд байна.
Хяналт үнэлгээний хүрээнд Цогтцэций, Ханбогд сумын сум дундын эмнэлэг, Манлай, Баян-Овоо сумын ЭМТөвүүдийн эмч, эмнэлгийн ажилтнаас “Заавал хэвшүүлэх 21 дадал”-тай холбоотой мэдлэг шалгах тестийг авахад сургалтын өмнө мэдлэгийн дундаж 29 хувьтай байсан бол сургалтын дараа 84 болж өссөн байна. Эмч, эмнэлгийн ажилчид дотооддоо “Заавал хэвшүүлэх 21 дадал”-аар сургалт зохион байгуулж ажиллав.
Эрүүл мэндийн газраас заавал хэвшүүлэх 21 дадлын хүрээнд тараах материал боловсруулж, 10 төрлийн 1000 ширхэг тараах материалын сум сум дундын эмнэлэг, эрүүл мэндийн төвүүдэд тараан олгосон байна. Мөн сургууль цэцэрлэгийн хүүхдүүд болон эцэг, эхчүүдэд “Заавал хэвшүүлэх 21 дадал”-ын хүрээнд сургалт зохион байгуулж, 840 гаруй хүүхэд, 340 гаруй эцэг эх, асран хамгаалагчдад мэдээлэл хүргэсэн байна. Заавал хэвшүүлэх 21 дадлын номын түгээлтэд хяналт хийж, ном хүлээн авсан өрх айлд очиж, 21 дадлын номын ашиглалт, хэвшүүлсэн дадлын талаар ярилцаж, зөвлөгөө, зөвлөмж өгч ажиллалаа.
Хяналт үнэлгээгээр ажиллах хугацаандаа Цогтцэций, Ханбогд сумын сум дундын эмнэлэг, Манлай, Баян-Овоо сумын ЭМТөвүүдтэй хамтран нарны алхалт, өглөөний гүйлтийг зохион байгуулж ажилласан. Нарны алхалт, өглөөний гүйлтэнд нийт 160 гаруй иргэн, эмч, эмнэлгийн ажилтнуудыг хамруулсан.
Аймгийн хэмжээнд 09 дүгээр сарын 15-ны өдрийн байдлаар “Заавал хэвшүүлэх 21 дадал” номын түгээлт 68 хувь, “Эрүүл мэндийн довтолгоо” арга хэмжээний төлөвлөгөөний биелэлт 62 хувьтай тус тус хэрэгжиж байна.
