Шүүхийн шийдвэр гүйцэтгэх ерөнхий
газраас санаачлан Хууль зүйн яам, Эрүүл мэндийн яам, Улсын ерөнхий прокурорын
газар, Шүүхийн шинжилгээний үндэсний хүрээлэн, Нийгмийн даатгалын ерөнхий
газар, Тогтоол гүйцэтгэх газрын дэргэдэх Нэгдсэн эмнэлэг, Цагдан хорих 461
дүгээр ангийн эмнэлэг, Хорих 429 дүгээр анги буюу Сүрьеэгийн төрөлжсөн эмнэлэг,
Клиникийн 1, 2, 3 дугаар эмнэлэг, ХӨСҮТ-ийн төлөөллийг оролцуулан “Хоригдогсдод
үзүүлэх эмнэлгийн тусламж үйлчилгээнд тулгамдаж буй асуудал, шийдвэрлэх арга
зам” сэдэвт хэлэлцүүлэг өнөөдөр буюу 9 дүгээр сарын 15-ны өдөр ШШГЕГ-т зохион
байгууллаа.
Уг хэлэлцүүлэг нь хоригдогсдод үзүүлж буй эмнэлгийн тусламж үйлчилгээний
өнөөгийн байдал, эрх зүйн зохицуулалтын болон практик ажиллагааны явцад тулгарч
буй хүндрэл бэрхшээлтэй асуудлыг хамтран шийдвэрлэх, саналын болон үйл
ажиллагааны зөрүүтэй байдлыг нэгтгэн дүгнэх, байгууллага хоорондын ажлын уялдаа
холбоог сайжруулахад чиглэлээ.
Хэлэлцүүлэгт “Хоригдогсдод үзүүлэх эмнэлгийн тусламж үйлчилгээнд тулгамдаж буй
асуудал шийдвэрлэх арга зам” Тогтоол гүйцэтгэх газрын дарга, хурандаа
Б.Нямгомбо, “2013-2014 онд ТГГ-ын нэгдсэн эмнэлгээс хоригдогсдод үзүүлсэн эмнэлгийн
тусламж үйлчилгээ, шийдвэрлэх арга зам”, Тогтоол гүйцэтгэх газрын эмнэлгийн
албаны дарга,анагаах ухааны доктор, хурандаа К.Анаргүль, “Хоригдогсдод үзүүлж
буй эмнэлгийн тусламж үйлчилгээний асуудалд тавих прокурорын хяналтын ажлын үр
нөлөө, цаашид анхаарах асуудал” Дүүргийн хоёрдугаар прокурорын газрын хяналтын
прокурор Н.Ням-Очир, “Хорих ял эдлэж буй ялтнуудын дундах сүреэгийн өвчлөл”
Тогтоол гүйцэтгэх газрын Нэгдсэн эмнэлгийн ерөнхий эмч, хошууч Б.Доржсүрэн нар
үндсэн илтгэлийг тавьж, хэлэлцүүлэг өрнүүллээ.
Түүнчлэн хоригдогсдод үзүүлэх эмнэлгийн тусламж үйлчилгээний хүрээнд тулгамдаж
буй асуудлыг шийдвэрлэх талаар нэгдсэн ойлголтод хүрсэн бөгөөд асуудлыг
шийдвэрлэхэд удирдлага болгох нэгдсэн зөвлөмж гаргалаа.
Нийт хэлэлцүүлэгдсэн илтгэлүүдээр эмхэтгэл гаргах юм.
