Орхон аймгийн Эрүүл мэндийн газар өрхийн эрүүл мэндийн төвийн удирдлагуудтай энэ сарын 03-ны өдөр уулзалт зохион байгууллаа.
Уг уулзалтад аймгийн Эрүүл мэндийн газрын удирдлагууд болон 11 өрхийн эрүүл мэндийн төвийн ахлагч нар оролцлоо.
Уулзалтаар өрхийн эрүүл мэндийн төвтэй байгуулсан гүйцэтгэлийн гэрээний эхний хагас жилийн биелэлт, гэрээний шалгуур үзүүлэлт, Эрүүл мэндийн сайдын 2014 оны 276-р тушаалын дагуу “Өрхийн эрүүл мэндийн төвийн тусламж, үйлчилгээний шинэчлэлийн стратеги”-ийн хэрэгжилтийг эрчимжүүлэх төлөвлөгөөний төслийг тус тус танилцуулж, хамтран ажиллах талаар санал солилцлоо.
Энэхүү уулзалтаас дараах шийдвэрүүд гарсан байна. Үүнд:
1. Гүйцэтгэлийн гэрээний биелэлт, сайжруулах шаардлагатай, дутагдалтай байгаа шалгуур үзүүлэлтүүд дээр анхаарч ажиллах,
2. ӨЭМТ, ЭМГ-ын хамтарсан уулзалтыг улирал тутам зохион байгуулах,
3. ӨЭМТ-үүд 9-р сарын 15-ны дотор хүний нөөцийн хангалтыг бүрэн хийх,
4. Анхан шатлалын тусламж үйлчилгээний чанар хүртээмжийг нэмэгдүүлж, иргэдийн өргөдөл гомдлыг багасгах, үйлчлүүлэгчдийн сэтгэл ханамжийг дээшлүүлэх тал дээр анхаарч ажиллах,
5. “ӨЭМТ-ийн тусламж, үйлчилгээний шинэчлэлийн стратеги”-ийн хэрэгжилтийг эрчимжүүлэх төлөвлөгөөний дагуу ажиллах,
6. Яаралтай тусламжийн бэлэн байдлыг ӨЭМТ -үүд хангаж ажиллах зэрэг асуудлууд багтжээ.