Дархан-Уул аймгийн Нэгдсэн эмнэлэг иргэн бүрт чиглэсэн эрүүл мэндийн зөв хэвшил төлөвшүүлэх, эрүүл мэндийн боловсрол олгох “Эрүүл мэндийн довтолгоо” өдөрлөгийг зохион байгууллаа.
Уг өдөрлөгт НЭМХ-ийн дарга С.Энхжаргал, ЭМГ-ын Эмнэлгийн тусламжийн хэлтсийн дарга М.Мөнхбаатар, Нэгдсэн эмнэлгийн эмчилгээ эрхэлсэн орлогч дарга Ю.Аринаа болон 18 тагсийн 106 гаруй эмч, эмнэлгийн ажилтан, 120 гаруй хэвтэн эмчлүүлэгч оролцлоо. Тус арга хэмжээний үеэр Нэгдсэн эмнэлгийн эмч ажилтнууд, хэвтэн эмчлүүлэгч, үйлчлүүлэгчдэд Эрүүл Мэндийн довтолгооны “Заавал хэвшүүлэх 21 дадал” орны номыг гардуулах өгөх үйл ажиллагаа болсон байна. Тус номыг нэгдсэн эмнэлгийн ортой 11 тасагт, орны тоогоор хүлээлгэн өгч, эрүүл мэндийн довтолгооны талаарх мэдээллийг олон нийтэд өгсөн байна. Мөн энэхүү өдөрлөгт оролцогчдод Эрүүл зохистой хооллолт хоолны зөвлөгөөг хоол зүйч н.Жаргалмаа, ахлах тогооч н.Гансүх нар өгч, эмч ажилтнууд “Хөдөлгөөн эрч хүч” дасгалыг хийж, сурталчиллаа.