“Хүүхдэд ээлтэй аймаг” хөтөлбөр, стратегийн хэрэгжилтийг
хангах ажлын хүрээнд хүүхэд, өсвөр үеийнхний хөгжил, оролцоог дэмжих, хүүхдийн
санаа бодол, дуу хоолойг сонсож, тэдний өмнө тулгамдсан асуудлуудыг шийдвэр
гаргах түвшинд хүргэх, харилцан мэдээлэл, туршлага солилцох зорилгоор “Хүүхдэд
ээлтэй орон нутаг- хүүхдийн оролцоо” хангайн бүсийн хүүхдийн II чуулган, туршлага солилцох уулзалтыг Аймгийн ЗДТГ,
Хүүхэд, гэр бүлийн хөгжлийн хэлтэс, ХАХНХ-ын яам, ХТҮГ,НҮБ-ын Хүүхдийн сан
хамтран 2014 оны 07-р сарын 27- 30-ны өдрүүдэд Хөвсгөл аймагт амжилттай зохион
байгууллаа.
Энэхүү арга хэмжээнд Хөвсгөл, Булган, Баянхонгор, Орхон, Өвөрхангай, Дархан-уул, Завхан аймгуудын хүүхэд, насанд хүрэгчдийн төлөөлөл 130 орчим хүн оролцов.
Хүн амын хөгжил, нийгмийн хамгааллын сайд С.Эрдэнэ, Засгийн газрын хэрэгжүүлэгч агентлаг ХТҮГ-ын дарга И.Нарантуяа нар мөн оролцож хүүхэд багачуудад хандан үг хэлж, чуулганаас гарсан зөвлөмжийг бодлого, шийдвэрт тусган хэрэгжүүлэхээ амласан.
Хангайн бүсийн хүүхдийн II чуулганыг дараах 5 салбар хуралдаанаар явуулав. Үүнд:
1. “Хүүхдэд ээлтэй засаглал- хүүхдийн оролцоо”
2. “Хүүхдэд ээлтэй орчин- хүүхдийн оролцоо”
3. “Хүүхдэд ээлтэй боловсролын үйлчилгээ- хүүхдийн оролцоо”
4. “Хүүхдэд ээлтэй эрүүл мэндийн үйлчилгээ- хүүхдийн оролцоо”
5. “Хүүхдэд ээлтэй өрх гэр бүл- хүүхдийн оролцоо”
Тус салбар хуралдаан нь 26 хүний бүрэлдэхүүнтэй явагдсан бөгөөд хөтөлбөр, зохион байгуулалтын дагуу чиглүүлэгч байгууллагуудын товч мэдээлэл хийгдэж, тухайн салбар бүрт хангайн бүсийн хэмжээнд хүүхдийн өмнө тулгамдсан асуудлуудыг тоймлон ярилцаж, шийдвэрлэх арга замыг тодорхойлов.
Хүүхэд бүр гэр бүлийнхээ орчинд оролцох боломжийг бүрдүүлэх зорилгоор хэрэгжих “Миний гэр бүл” хөгжлийн хөтөлбөрийг хэрхэн зохион байгуулах арга зүйг чуулганы оролцогчдод мэдээллэж, хүүхдийн өөрийн үнэлгээний дэвтрийг аймгуудад гардуулав.
Чуулганы төлөөлөгчдийн дунд “Урлагийн ертөнцөөр”, “Хамтдаа хөгжицгөөе” өртөөчилсөн ажлуудыг зохион байгуулж, тэдний чөлөөт цагийг үр дүнтэй өнгөрүүллээ.
Хангайн бүсийн хүүхдийн III чуулганыг Баянхонгор аймагт зохион байгуулахаар тогтсон бөгөөд 2016 хүртэлх хугацаанд II чуулганаас гаргасан зөвлөмжийг аймаг бүр хэрэгжүүлж ажиллахаар боллоо.