Европын сэргээн босголтын хөгжлийн банк, Олон улсын эрх зүйн хөгжлийн байгууллагын “Шүүхийн шийдвэр гүйцэтгэх ажиллагааг боловсронгуй болгох, чадавхийг бэхжүүлэх” төслөөс ШШГЕГ-тай хамтран ажиллах санамж бичигт 6 дугаар сарын 17-ны өдөр гарын үсэг зурлаа.
Санамж бичгийг Олон улсын эрх зүйн хөгжлийн байгууллагын төслийн менежер Ноён Карлос Эскудеро, ШШГЕГ-ын дарга, хурандаа С.Баяндалай нар үзэглэлээ.
Энэхүү арга хэмжээнд Европын сэргээн босголт хөгжлийн банкны ахлах зөвлөх Алан Колмон, тус төслийн Монгол талын зөвлөх Т.Алтангэрэл болон ШШГЕГ-ын Шийдвэр гүйцэтгэх газрын Мэргэжлийн удирдлагын хэлтсийн дарга, дэд хурандаа Б.Батболд, ахлах мэргэжилтэн, ахлах дэслэгч Л.Энхжаргал нар оролцлоо.
Санамж бичгийн хүрээнд Олон улсын эрх зүйн хөгжлийн байгууллагын “Шүүхийн шийдвэр гүйцэтгэх ажиллагааг боловсронгуй болгох, чадавхийг бэхжүүлэх” төслөөс шийдвэр гүйцэтгэгчдийг чадавхжуулж, сургагч багшаар бэлтгэх сургалтад шат дараатай хамруулахаар ШШГЕГ-ын Шийдвэр гүйцэтгэх газартай хамтран ажиллахаар боллоо.
Түүнчлэн энэ үеэр хоёр тал үр дүнтэй хамтран ажиллахаа харилцан илэрхийлсэн бөгөөд уг төслийн менежер Ноён Карлос Эскудеро “Бидний хамтын ажиллагааны үр дүнд шүүх эрх мэдэл, хууль зүйн салбарын үйл ажиллагаанд итгэх олон нийтийн итгэл нэмэгдэн, батжих болно гэдэгт итгэлтэй байгааг онцолсон юм. Уг төсөл ирэх 9 дүгээр сараас эхлэн хэрэгжих бөгөөд эхний ээлжинд 12 шийдвэр гүйцэтгэгчийг хамруулахаар болсон байна.