- Боксын спорт одоогоос 5000 жилийн өмнөөс үүсэлтэй болохыг архилогич Спеисер Багдад хотын ойролцоох нэгэн хадан дээрх сийлбэр зургаас олж тогтоожээ. Бокс нь эртний овог аймгуудын дунд үүсэн дэлгэрч, хүний нийгмийн хөгжлийн үе шатуудыг дамжин хэлбэр, агуулга нь өөрчлөгдсөөр орчин үеийн спорт болтлоо хөгжжээ. Эртний гүн ухаантнууд боксийг “эр зориг, хүч чадал, авхаалж самбаатай хүмүүсийн яруу сайхан хөдөлгөөн” гэж нэрлэн үнэлсэн байдаг. Эртний грек оронд олимпийн наадам үүсэж хөгжсөнийг хүн төрөлхтөний агуу ололтын нэг гэдэг билээ. Анхны олимпийн наадмийг МЭӨ 76 онд зохион явуулсан ба боксын спортыг МЭӨ 668 онд болсон наадмаас эхлэн олимпийн хөтөлбөрт оруулсан гэх түүх бий.Төв аймагт сүүлийн жилүүдэд эрчимтэй хөгжиж байгаа спортын нэг бол яахын аргагүй боксын спорт.Тэгвэл 3 жилдээ зохион байгуулагдаж байгаа Өсвөрийн боксчдын Аймгийн аварга шалгаруулах “Алтан бээлий” тэмцээнд эрэгтэй 9 эмэгтэй 4 жингээр нийт 13 жингийн 86 тамирчид өрсөлдөж дүнгээ гаргажээ.Уг тэмцээнд Зуунмод хотын Ерөнхий боловсролын сургуулиуд, Заамар, Шижир-Алт, Эрдэнэ, Борнуур сумдын баг тамирчид оролцсон байна.Охидын 40 кг-ын жинд 1-р байранд н.Даваадэлгэр, 2-рт Алтанцэцэг, 3-т .Нандин-Эрдэнэ нар орсон бол 48 кг-ын жинд нэгт Цэндмаа, 2-рт Эрдэнэтуяа, 3-т .Ану-Эрдэнэ нар тус тус оржээ. Харин хөвгүүдээс 28 кг-ын жингийн 1-р байранд. Б.Гонгоржав, 2-рт Элбэгдорж, 3-рт Дөлгөөн, 4-рт Очирбат нар орж , 30 кг-ын жинд нэгт Отгондалай, 2рт Бямбадорж, гуравт Эрдэнэбат шалгарчээ. Харин багийн нийлбэр дүнгээр: 1-р байр Очирдарь дасгалжуулагчтай Х.Ц.С,2-р байранд Энхээбаатар дасгалжуулагчтай Заамар сум, 3-т Тодбаяр дасгалжуулагчтай Шижир Алт багийн тамирчид орсон байна.Тэмцээний өсөх ирээдүйтэй тамирчнаар Б.Гонгоржав, Д.Даваадэлгэр нар тус тус тодорчээ.
