Ангийн удирдлагууд өрөөндөө телехяналтыг хянах, цагдан хорих байрны хоригдогсдод үйлчилдэг нэгдсэн гал тогооны орчин нөхцөл, хоолны амт чанарыг сайжруулах, иргэдэд үйлчлэх цэгийг дүрст болон бичгэн мэдээллээр баяжуулах талаар ШШГЕГ-ын даргын биечлэн өгсөн үүргийг хэрэгжүүлэх ажлын хүрээнд Цагдан хорих 461 дүгээр анги дараах ажлуудыг хйиж гүйцэтгэжээ.
Телехяналтын системийг удирдлагын өрөөнд холбох ажлын хүрээнд:
Ангийн телехяналтын системийг удирдлагын өрөөнд шилжүүлэхэд дотоод цахим сүлжээ ашиглах замаар зардалгүй шийдвэрлэх ажлыг зохион байгуулсан байна. Ингэхдээ ангийн байрлалд цахим дотоод сүлжээнд тулгуурлан зохих техникийн шийдлийг ашиглан телехяналтын цэгүүдийг сонгон ангийн удирдлагын хяналтанд авч Тогтоол гүйцэтгэх газрын Техник хамгаалалтын тасагтай хамтран ангийн дарга, дэд дарга нарын өрөөнд нийт 16 цэгийн хяналтын сүлжээгээр холбон хяналтанд ажиллаж байна.
Өнөөдрийн байдлаар ангийн дарга, дэд дарга нар биечлэн ангийн дотоод обьектоор хяналт тавьж ажиллахаас гадна телехяналтаар дамжуулан зохих шаардлагуудыг тавих, ангийн хэвийн үйл ажиллагааг хангах боломж бүрдсэн ач холбогдолтой ажил боллоо.
Нэгдсэн гал тогооны орчин нөхцөл, хоолны амт чанарыг сайжруулах ажлын хүрээнд:
Хорих 409 дүгээр ангийн гал тогооны үйл ажиллагаа, шинэ санаачлагыг албаны тогооч болон эмнэлэг, санхүүгийн албан хаагчдын хамт судалж, танилцжээ.
Гал тогоонд ажиллагсадын хувцас хэрэглэлийг шинэчлэх, ариутгал халдваргүйжүүлэлтийн ажлыг хэрэгжүүлсэн байна.
Туслах материалын хадгалах хэсгийг шинээр байгуулсаны зэрэгцээ бэлтгэлийн өрөө, хоол боловсруулах хэсгийг бүрэн хаягжуулан, үлгэрчилсэн зааврыг хэсэгчилэн байршуулжээ.
Албан хаагчдын болон нэгдсэн гал тогоонд хоол боловсруулах технологийн картыг самбаржуулан байршуулах ажлыг шинээр хэрэгжүүлсэн ба хоолны бэлтгэх болон боловсруулах үйл ажиллагаанд тавигдах шаардлагыг өндөржүүлжээ.
Талхны болц, амтыг сайжруулах зорилгоор шинэ талхны зуухыг ашиглалтанд оруулсны зэрэгцээ талх гашууруулдаг дутагдал болох хөрөнгөөр гурил бэлтгэх аргыг хориглохын зэрэгцээ гурилны ангиллыг хольж байна.
Албан хаагчдын болон хоригдогсодын хоолны нэр төрлийг дээшлүүлэн долоо хоног болгон шинэчлэн баталж, амталгааг өдөр бүр ангийн дарга болон бусад ажил хариуцсан албан тушаалтнууд биечлэн амталж шалгах ажлыг хэвшүүллээ.
Иргэдэд чиглэсэн үйл ажиллагааны талаар:
Ангийн үйл ажиллагааны танилцуулга, иргэдийн зүгээс хоригдогч нарын зайлшгүй мэдвэл зохих зохицуулалтыг дүрсэн хэлбэрээр бэлтгэж үйлчилгээний танхимд байрлах зурагтанд холбожээ.
Ангийн үйл ажиллагааны талаар санал хүсэлт гаргах, тодорхой чиглэлээр мэдээлэл авах удирдах ажилтантай хэрхэн холбогдох талаар үгэн мэдээллийг урсдаг самбарт шинэчлэн байршуулсан байна.
Дээрх мэдээллийг иргэдэд зориулан байруулсанаар ангийн удирдлагын зүгээс аливаа өргөдөл , санал, хүсэлтийг шуурхай шийдвэрлэн ажиллах нөхцөл бүрдэж байгаа үйл ажиллагааг хэвшүүлэх чиглэлээр холбогдох албан тушаалтнуудад үүрэг өгөн ажиллаж байна.