Гурван аймгийн есөн суманд гарсан малын гоц халдварт шүлхий өвчин гарсантай холбогдуулан Баянзүрх дүүргийн нутаг дэвсгэрт тоологдсон 42.577 толгой малд үзлэг, тандалт хийлээ. Дүүргийн 8,9, 10,11,12,17,21,23,28 дугаар хорооны 159 өрхийн 2667 үхэр, 1213 хонь, 1690 ямаа, 1920 гахай, 54 шувуу бүгд 7544 толгой мал, амьтанд “Баяндэмбэрэл” эмнэлэг малын эрүүл мэндийн үзлэг хийж, тандалт судалгаанд хамруулсан байна. Үүнээс гадна, 4555 бод, 4673 бог, 2142 гахай нийт 11370 мал, амьтанд шүлхий өвчний вакцинд хамрагдах шаардлагатай байгаа юм аж.
Харин “Жижиг зээрд” мал эмнэлэг нь дүүргийн 20 дугаар хорооны нутагт хаваржиж байгаа малчдын үхэр 6158, хонь 5101, ямаа 5292, нийт 16551 толгой малд үзлэг тандалт хийжээ. Түүнчлэн дүүргийн 28 дугаар хорооны нутгийг “МЭГ” мал эмнэлэг хариуцан ажилладаг. Тус эмнэлэг нийт 4939 үхэр, 7950 хонь, 5772 ямаа, нийт 18661 толгой малд шүлхий өвчний үзлэг тандалт хийсэн байна. Одоогоор эдгээр малаас шүлхий өвчний шинж тэмдэг илрээгүй байна.