Цахим татварын мэдээллийн шинэ системийг дүүргийн татварын хэлтэст нэвтрүүлэх ажлын хүрээнд Сүхбаатар дүүргийн Татварын хэлтэс харилцагч татвар төлөгчдөд зориулсан “Цахим татварын мэдээллийн систем”-ийн талаарх сургалтыг зохион байгуулж байна.
Сургалт энэ сарын 22-ныг хүртэл үргэлжлэх бөгөөд татварын ерөнхий газрын сургагч багш дүүргийн хурлын танхимд хэрэглэгчийн сүлжээг бий болгон, татвар төлөгч болон татварын улсын байцаагч, татвар хураагч шинэ системийн дадлага олгох мэдээлэл өгөх аж.
Уг сургалт гурав дахь өдрөө үргэлжилж байгаа бөгөөд мэдээллийн шинэ систем нэвтрүүлснээр татварын бүх тайланг онлайнаар илгээх, баталгаажуулах, татвар төлөлт, татвар төлөгчтөй харилцах, лавлагаа, тодорхойлолт, татвар төлөгчийн бүртгэлийг цахимаар хийх, тоон гарын үсгийн системтэй холбох боломж бүрдэж байгаа юм.