Арван нэг дэх жилдээ явагдаж буй тус тэмцээнийг энэ удаад “Идэр” дээд сургууль хариуцан гар бөмбөг, сагсан бөмбөг, ширээний теннисний холимог багийн төрлөөр зохион байгуулж, Шүүхийн шийдвэр гүйцэтгэх байгууллагын болон Эрүүл мэндийн нийгмийн ажилтнууд, Монгол Улсын их сургууль, Монгол Улсын боловсролын их сургууль, “Шинжлэх ухаан, технологийн их сургууль, Хөдөлмөрийн дээд сургууль, Идэр” дээд сургууль, Энх-Орчлон дээд сургууль, Утга зохиол, нийгмийн ажилтны дээд сургууль, Нийгмийн ажлын хөгжлийн төв, Сургуулийн нийгмийн ажлын нийгэмлэг, “Оюуны гэгээ” төрийн бус байгууллага зэрэг 12 байгууллагын 120 гаруй тамирчид оролцлоо.
Тус тэмцээний сагсан бөмбөгийн төрөлд нэгдүгээр байрыг Шүүхийн шийдвэр гүйцэтгэх байгууллагын баг, тамирчид, хоёрдугаар байрыг Идэр дээд сургууль, гуравдугаар байрыг Энх-Орчлон дээд сургууль, ширээний теннисний төрөлд нэгдүгээр байрыг Сургуулийн нийгмийн ажлын нийгэмлэг, хоёрдугаар байрыг Шүүхийн шийдвэр гүйцэтгэх байгууллагын баг, тамирчид тус тус эзэлсэн ба гар бөмбөгийн төрөлд манай баг тамирчид нэгдүгээр бүсээс шалгарчээ.
Багийн нийт дүнгээр нэгдүгээр байранд Шүүхийн шийдвэр гүйцэтгэх байгууллага, хоёрдугаар байранд Сургуулийн нийгмийн ажлын нийгэмлэг, гуравдугаар байранд Энх-Орчлон дээд сургууль шалгарч, тус тэмцээний шилжин явах цом, өргөмжлөлийг манай баг тамирчид 3 дахь жилдээ дараалан авсан амжилтыг гаргалаа.
Шүүхийн шийдвэр гүйцэтгэх байгууллагын тамирчдын багт Нийгэм, сэтгэл зүйн хэлтсийн мэргэжилтэн, дэслэгч Б.Уламбаяр, хорих 401 дүгээр ангийн нийгмийн ажилтан, ахлах дэслэгч С.Энхмандал, нийгмийн ажилтан, ахмад О.Октъябр, хорих 405 дугаар ангийн нийгмийн ажилтан, ахлах дэслэгч Б.Болд, хорих 409 дүгээр ангийн нийгмийн ажилтан, ахлах дэслэгч Г.Бямбасүрэн, хорих 413 дугаар ангийн нийгмийн ажилтан, ахлах дэслэгч С.Өлзийсүрэн, нийгмийн ажилтан, дэслэгч Ш.Цэцэгмаа, Баривчлах ял эдлүүлэх 431 дүгээр ангийн нийгмийн ажилтан, дэслэгч С.Одмандах, Хорих 445 дугаар ангийн нийгмийн ажилтан, дэслэгч Х.Лхамрагчаа, Цагдан хорих 461 дүгээр ангийн сэтгэл зүйч, дэслэгч Б.Мөнхзаяа, Мэргэжлийн сургалт, үйлдвэрлэлийн нийгмийн ажилтан, дэслэгч Д.Одонтунгалаг, нэг багт нэг биеийн тамирын арга зүйч оролцуулж болно гэсэн шийдвэрийн дагуу Тусгай бүлгийн ажилтан, ахлах ахлагч Г.Пүрэвдорж нар оролцож, амжилт гаргалаа.