10-р сарын байдлаар тус төвийн өвөлжилтийн бэлтгэл хангалт 100% байна. Тус төвийн ерөнхий захирал Т.Түвшин тэргүүтэй төвийн 3 ажилтан 2013 оны 10-р сарын 14-25-ны өдрүүдэд Австрали улсад болсон Ази номхон далайн орнуудын зуслангуудын холбооны 5-р их хуралд төлөөлөгчөөр оролцож, Монгол улсын болон Азийн хүүхдийн зуслангийн талаар илтгэл тавьж, хүүхдийн зуслангийн гадаад орчны болон хөтөлбөрийн шинэчлэл, орчин үеийн шаардлагын талаарх сургалтанд хамрагдан, харилцан туршлага судалсан байна.
Төвийн 35 жилийн ой, Нийслэлийн өдрийг тохиолдуулан төвийн ажилтнуудын хөдөлгөөний дутагдлыг арилгах, багийн сэтгэлгээ, ажиллах идэвхийг өрнүүлэх зорилгоор "Оноо, хурд, хором" спорт өдөрлөгийг төвийн Үйлдвэрчний эвлэлийн хороотой хамтран 10 төрлөөр амжилттай зохион байгууллаа. Үндсэн ээлжинд Плеханов сургуулийн дунд, ахлах насны 253 хүүхэд 13 багшийг 5 хоногийн хугацаанд хүлээн авч, сүлжээ төлөвлөгөөний дагуу хөтөлбөр үйл ажиллагаа явуулан, ая тухтай амраасан. Өвлийн 4-р ээлж нь “Сайн үйлсийг бусдад дэлгэрүүлцгээе” уриатайгаар зохион байгуулагдаж амрагч хүүхдүүдийн дунд спорт тэмцээн, эр зориг, авхаалж самбаа шаардсан “Эх орон дуудсан цагт” өртөөчилсөн ажил, Тоглоомын тойрог, “Миний чадвар” удирдагчийн нэрэмжит бүлгийн ажил, “Би хэн бэ?” төвүүдийн үйл ажиллагаа, хүүхдийн хүмүүжил, ёс суртахуунд нөлөөлөхүйц “Монгол бахархал” АСК тэмцээн зэрэг бүлэг бүлгэмийн ажлыг хүүхдийн оролцоонд тулгуурлан амжилттай зохион байгууллаа. Үндсэн ээлжээс гадна Радуга, 45, 23, Гэгээрэл сургууль, Дэлхийн зөн ОУБ-ын өдрийн нийт 452 амрагчдыг хүлээн авсан байна. "Адра" олон улсын байгууллагатай хамтран 2013 оны гадаад орчны сургалтыг төвийн бүлгийн удирдагч багш нар болон төслийн ажилтнуудыг хамруулан зохион байгуулж, явган аялал, өндрийн үйл ажиллагаа, харилцан ойлгох, сонсох, багаар ажиллах, өөртөө болон бусдад итгэх, зорилготой байх, шийдвэр гаргах чадвар, дадал олгосон байна гэж ХТҮГ-ын ОНХХ-ээс мэдээллээ.