Дэлхийн банкны дэмжлэгтэйгээр зохион байгуулагдаж буй энэхүү сургалтын ач холбогдол нь айл өрхийн амьжиргааны түвшинийг тодорхойлж, зорилтод бүлэгт чиглэсэн халамжийн үйлчилгээ бий болгох үйл ажиллагааг зохион байгуулахад анхан шатны үүрэг оролцоотой сум, хороо дүүргийн нийгмийн ажилтнуудад дэмжлэг үзүүлэх, тэднийг чадвахжуулах юм.
Түүнчлэн амьжиргааны баталгаажих түвшинээс доогуур орлоготой, төрөөс зайлшгүй дэмжлэг авах шаардлагатай айл өрхийн гишүүдийн дийлэнх хувь зөвхөн эд материалын бус боловсрол, эрүүл мэнд, харилцаа, зан төлөвийн зэрэг олон төрлийн ядууралд өртсөн гэж үздэг байна.
Харин эл асуудлыг шийдвэрлэх, тэдгээр айл өрхтэй анхан шатанд харилцах ажилтнууд бол сум, хороо, дүүргийн нийгмийн ажилтнууд байдаг. Тиймээс нийгмийн ажилтны хүлээх үүрэг, хариуцлага, тэдний ажиллах орчин нөхцлийг өөрчлөх, мэдлэг, ур чадварыг дээшлүүлэхэд анхаарлаа хандуулж эхэлсэн байна. Ингэснээр нийгмийн халамжийн зорилтод бүлгийг зөв тодорхойлох, халамжийн үйлчилгээ хүрэх ёстой эзэндээ очих аргачлал илүү боловсронгуй, шуурхай болох юм.
Нийгмийн хамгааллын салбарын ажилтны сургагч багш бэлтгэх сургалт энэ сарын 13-ны өдөр хүртэл үргэлжилнэ.