Сүхбаатар дүүргийн Жижиг дунд үйлдвэрийг дэмжих төв нь Дүүргийн жижиг, дунд үйлдвэр, өрхийн үйлдвэрлэл эрхлэгч иргэн, аж ахуйн нэгж, байгууллагад тулгарч буй асуудлуудад нь зөвлөгөө өгөх, сургалт мэдээлэл хүргэх, инкубацийн үйлчилгээ үзүүлж ажлын байраар хангаж бие даан үйл ажиллагаа эрхлэх чадвар, мэдлэг эзэмшүүлж бойжуулахчиглэлээр үйл ажиллагаагаа явуулж байна.
Энэ удаагийн ээлжит ажлын байраар хангах сонгон шалгаруулалт Нийслэлийн Жижиг дунд үйлдвэрийг дэмжих төвийн даргын 2013 оны 05 дугаар сарын 23 ны өдрийн тушаалын хавсралтын 3.3 заалтыг үндэслэн: Бойжигчоор элсэхийг хүссэн иргэн, аж ауйн нэгж дараах бичиг баримтыг бүрдүүлнэ. Үүнд:
3.3.1 Бойжигчоор бүртгүүлж дэмжлэг авахыг хүссэн өргөдөл
3.3.2 Бойжигчийн анкет /төвийн маягтаар/
3.3.3 Иргэн /цахим үнэмлэхний хуулбар, аж ахуйн нэгж байгууллага /ажилтны анкет, цахим үнэмлэхний хуулбарууд/
3.3.4 Аж ахуйн нэгж байгууллагын улсын бүртгэлийн хуулбар
3.3.5 Үйл ажиллагааны төлөвлөгөө /3 сар, 6 сар, 1 жил, 2 жил, 5 жилээр гаргах, бүтээгдэхүүн, ажил үйлчилгээ, тоног төхөөрөмж ажлын байрны зураг хавсаргасан байх/
3.3.6 Мэргэжил, ур чадварыг нотлох бичиг баримтуудын хуулбарууд /сургууль төгссөн гэрчилгээ, мэргэжлийн үнэмлэх, диплом/
3.3.7 Оршин суугаа хорооны Засаг даргын тодорхойлолт
3.3.8 Иргэн /хар дэвтэр/, аж ахуйн нэгж байгууллага /сүүлийн улирлын санхүүгийн тайлан/
3.3.9 Цээж зураг - 2 % /3х4 см/
3.3.10 ЦЕГ-ын тодорхойлолт
3.3.11 Бойжигчоор элсэхийг хүссэн иргэн болон аж ахуйн нэгж нь журмын 3.3.5-д заасан үйл ажиллагааны төлөвлөгөөгүй бол өөрийн үйл ажиллагааны төсөөлөлтэй байх шаардлагатай. Цаашид төвийн дэмжлэгтэйгээр үйл ажиллагааны төлөвлөгөөгөө боловсруулан ажиллах боломжтой.
Хугацаа: 2013 оны 08 сарын 26 наас 09 сарын 10 хүртэл явагдаж байна.
ИРГЭД, АЖ АХУЙН НЭГЖ ТА БҮХНИЙГ ХАРЬЯА ХОРООНДОО БҮРТГҮҮЛЖ, СОНГОН ШАЛГАРУУЛАЛТАНД ИДЭВХИТЭЙ ОРОЛЦОХЫГ УРИАЛЖ БАЙНА. ТУС ТӨВД ЗӨВЛӨГӨӨ ӨГЧ БАЙГАА БОЛНО. ХОЛБОО БАРИХ УТАС: 357074
ТӨВИЙН ЗАХИРГАА