Монгол Улсад банкны салбар үүсэж хөгжсөний 95 жилийн ой энэ жил тохиож байна. Ойн хүрээнд “Банк санхүүгийн салбарын хөгжил – 2019” эрдэм шинжилгээ, онол, практикийн бага хурал УИХ-ын гишүүн Болдын Жавхлангийн дэмжлэгтэйгээр өнөөдөр /2019.04.19/ боллоо.
Өнөөдрийн эрдэм шинжилгээ, онол, практикийн бага хурлыг Монгол банк, ШУТИС-ын Дархан-Уул аймаг дахь Технологийн их сургуультай хамтран зохион байгуулж, эрдэмтэн профессор, докторууд, арилжааны банкны төлөөлүүл болон банк, санхүүгийн мэргэжлээр суралцаж буй оюутнууд оролцлоо.
Бага хурлын нээлтэд УИХ-ын гишүүн Б.Жавхлангийн бие төлөөлөгч Б.Батболд оролцож, түүний мэндчилгээг дэвшүүлсэн юм. Тэрбээр хэлсэн үгэндээ :- "Энэ удаагийн эрдэм шинжилгээний бага хурал банк санхүүгийн салбарын хөгжлийн тулгамдсан асуудлууд, мөн банкны салбарын хөгжлийн хэтийн хандлагыг хөндсөн онцлогтой болж байна."гэв.