Төрийн үйлчилгээний ил тод байдлыг хангах, байгууллагын үйл
ажиллагааг иргэдэд нээлттэй сурталчлах, гэр бүлийн харилцааг тогтмолжуулах,
тэдний сэтгэл зүйд эерэг уур амьсгал бий болгох зорилгоор “Бидний гэр бүл”
нээлттэй хаалганы өдөрлөгийг Хорих 439 дүгээр анги амжилттай зохион байгууллаа.
Ангийн дарга хурандаа Ж.Энхтайван арга хэмжээний нээлтийг хийж хүрэлцэн ирсэн
иргэдэд талархал илэрхийлэн өнгөрсөн жилд хийсэн болон цаашид хийх ажлын талаар
танилцуулсан байна. Өдөрлөгт 100 гаруй хүмүүжигчдийн ар гэр болох 400 орчим иргэд оролцлоо. Түүнчлэн тус өдөр
ар гэрийнхэн нь ирээгүй хүмүүжигчидтэй
ангийн нийгмийн ажилтнууд уулзаж, ярилцан тэдэнд сэтгэл санааны дэмжлэг үзүүллээ.
Өдөрлөгийн үеэр иргэдээс байгууллагын үйл ажиллагааны талаарх санал хүсэлтийг
авчээ. Хорих 439 дүгээр анги нь хүмүүжигчдийн амьдрах орчинг сайжруулах, ая
тухтай орчин нөхцлийг бүрдүүлэх зорилгоор 2012 онд олон улсын жишигт нийцүүлсэн
350 хүний багтаамжтай хүмүүжигчдийн амьдрах байрыг ашиглалтад оруулж, байрны
дотор болон гадна тохижилтыг хийж гүйцэтгэсэн нь иргэдийн талархалыг хүлээсэн
ажил болжээ. Түүнчлэн 2013 онд үйлдвэрийн үйл ажиллагааг өргөжүүлэх, хөдөлмөр
эрхлэлтийг нэмэгдүүлэх, хүмүүжигчдийг цалинтай ажлын байраар хангах зорилт
тавин ажиллаж байгаа бөгөөд энэхүү ажлын хүрээнд 2013 оны эхний 5 дугаар сарын
байдлаар нийт давхардсан тоогоор 195 хүмүүжигчийг хөдөлмөрт хамруулж 5.540.000
төгрөгний цалин бодож, үүнээс 1.112.000 төгрөгийг 70 хүмүүжигчийн гэм хорын
хохиролд суутган, үлдэгдэл 4.428.000 төгрөгийг нэрийн дансанд нь
байршуулжээ.