Эрүүл мэндийн яам, Дэлхийн эрүүл мэндийн байгууллага, Нийслэлийн эрүүл мэндийн газар зэрэг байгууллагууд хамтран “Эрүүл, аюулгүй-Орчин” сэдэвт сургалтыг энэ сарын 13-14-ний өдрүүдэд ЭМЯ дээр зохион байгууллаа.
Энэхүү сургалт нь “Эрүүл хот, дүүрэг, сум, баг, ажлын байр, сургууль бий болгох үндэсний хөтөлбөр” хэрэгжүүлэх ажлын хүрээнд зохион байгуулагдаж байгаа бөгөөд Нийслэлийн Орон сууц, нийтийн аж ахуй, СӨХ-ны удирдах ажилтнууд хамрагджээ.
Нийслэлийн нэгжийн удирдах ажилтнуудад эрүүл хот бий болгох үйл ажиллагаанд нэгдсэн төлөвлөгөөтэй оролцоход нь нэгдсэн мэдээллээр хангах зориолготой тус сургалтад оролцогчид Эрүүл хотын хүрээнд хэрэгжиж буй үйл ажиллагааны илтгэлийг сонсож, нийслэл болон Дархан хотын тэргүүн туршлагаас хуваалцсан юм.
Сургалтын төгсгөлд нийслэлийн нэгж байгууллагуудаас эхлэн эрүүл, аюулгүй хотыг бий болгоход нийслэлийн нийтийн аж ахуй, СӨХ-ийн дарга нар хамтран ажиллах төлөвлөгөө гарган хэрэгжүүлэхээр боллоо..