2013.04.09 ны өдөр Эрүүл Мэндийн Шинжлэх Ухааны Их Сургуультай хамтран төвийн өсвөр, ахлах насны охидод Нөхөн-Үржихүйн эрүүл мэндийн “Охидын яриа” сэдэвт сургалт зохион байгуулсан. Сургалтанд 12 наснаас дээш насны 30 гаруй охид хамрагдсан. Сургалтын гол агуулга нь өсвөр насны охидод илрэх сэтгэл зүйн болоод физиологийн онцлог, түүнийг даван туулах арга зүйн зөвлөгөө, практик зөвлөмжийг өгөх зорилготой. Охид өөртөө тулгамддаг асуудлаа шийдвэрлэх арга замыг мэдэж, тулгамдсан асуудлынхаа талаар мэргэжлийн хүнээс зөвлөгөө авсан нь сургалтын гол үр дүн байлаа.
§ 2013.04.10 ны Шинэ-Монгол бүрэн дунд сургуулийн “Шинэ-Монгол” дугуйлангийн 10 жилийн ойн баярын өдөрлөгийг тус сургууль дээр зохион байгуулсан. Төвийн нийт 107 хүүхэд, багш ажилчидын хамтаар Шинэ-Монгол бүрэн дунд сургуулийн үйл ажиллагаатай танилцан, урлагийн тоглолт, спортын уралдаант тэмцээн зохион байгуулж нэг өдрийг хөгжилтэй, оролцоотой өнгөрөөлөө.
§ 2013.04.10 ны өдөр дэд захирал Д.Цагаанжанар, цэцэрлэгийн эрхлэгч Ч.Цэрэнбалжир нар Нийслэлийн Халамж Үйлчилгээний газраас зохион байгуулсан Асрамж халамжийн байгууллагын удирдлагуудтай хийх уулзалтанд оролцлоо.
§ 2013.04.09-10 ны өдрүүдэд Нийгмийн Ажилтан Ө.Гантуяа, 53-р сургуулийн сурагч Ж.Мөнхнарангийн хамт ХАНХЯам, Чингэлтэй дүүргийн ЗДТГазар, ХТҮГазар, Дэлхийн Зөн Монгол ОУБ-аас хамтран зохион байгуулсан “Өсвөр үеийнхний хөгжлийн форум”-д оролцсон. Өсвөр үеийнхний хөгжил оролцоог нэмэгдүүлэхэд шат шатны байгууллагууд хэрхэн ажиллах вэ? гэсэн асуудлаар хэлэлцүүлэгт оролцож, саналаа илэрхийллээ.
§ 2013.04.11 ний өдөр Японы Хүүхдийг Ивээх Сан, Хүүхэд хүүхдийнхээ төлөө ТББ-аас хамтран “Гамшгийн үе дэх хүүхэд хамгаалал-Хүүхдийн Оролцоо” сэдэвт сургалтыг зохион байгуулсан. Өсвөр, ахлах насны нийт хүүхдүүдийг хамарсан уг сургалт өртөөчилсөн хэлбэрээр сургалтанд оролцогчдын оролцоон дээр үндэслэсэн арга зүйгээр явагдсан үр дүнтэй байсан. Долоо хоног бүр тогтмол зохион байгуулж, сургалтын үеэр олж авсан мэдлэг мэдээллийнхээ хүрээнд Хүүхдийн оролцооны байгууллага байгуулж бодит үр дүнг харах, зорилготой хамтран ажиллаж байна.
§ 2013.04.11 ний өдөр Монгол Улсын Боловсролын Их сургуулийн Монгол Судлалын сургуулийн оюутнууд 42 ширхэг үлгэр, танин мэдэхүйн чиглэлийн ном хандивлаж, номыг үр бүтээлтэй унших аргад суралцуулах сургалт зохион байгууллаа. Бага ангийн хүүхдүүдийг хамруулан үлгэрийн ном хамтран уншиж, харилцан ярилцсан нь үйл ажиллагааны гол үр дүн байлаа.
§ 2013.04.11 нд нийслэлийн Баянзүрх дүүргийн ЭМНэгдэл, Өсвөр үеийнхний төвийн эмчтэй хамтран төвийн нийт 45 охидыг эмэгтэйчүүдийн үзлэгт хамрууллаа.
§ 2013.04.10 –нд 02-06 хүртэлх насны хүүхдүүдэд “Хүн төвт” өрхийн эмнэлэгийн эмч нар үзлэг хийж, эрүүл мэндийн зөвлөгөө өглөө.
§ 2013.04.12 ны Баасан гарагт “Нийслэлийн хөгжилд-Бидний Оролцоо” сэдэвт аялалыг төвийн 05-18 насны нийт 127 хүүхдийг хамруулан амжилттай зохион байгууллаа. Хичээлийн жилийн 3-р улиралын амралт эхэлсэнтэй холбогдуулан хүүхдүүд амралт, чөлөөт цагаа зөв боловсон өнгөрүүлэх, уламжлалт түүх соёлын үнэт зүйлс, төрөлх хотынхоо хөгжил цэцэглэлттэй танилцах, танин мэдэхүйгээ дээшлүүлэх зорилготой байлаа.
Хүүхдийн төлөө ҮНДЭСНИЙ газрын
олон нийттэй харилцах хэлтэс
Жич : Дэлгэрэнгүй мэдээллийг Хүүхдийн төлөө Үндэсний газрын
Олон нийттэй харилцах хэлтэсээс авна уу.
Н.Оюунчимэг – 8811 8085 oyunchimegn@nac.gov.mno_naimaldai@yahoo.com
Б.Орхон- 99136226 orhonb@nac.gov.mn oogii_c@yahoo.com