Манай аймгийн босоо удирдлагатай гэх ус, дулаан, эрчим хүчний, байгууллагуудын төлөөлөл болсон инженер техникийн албаны мэргэжилтнүүд энэ өдөр цугларч идэр есийн хүйтнийг хэрхэн өнтэй давах, мөн тус байгууллагууд хэрхэн уялдаа холбоотой ажиллах талаар санал солилцлоо. Тус тусын чиглэлээр үйл ажиллагаагаа явуулдаг эдгээр байгууллагуудын, уялдаа холбоо дутмаг байна гэх шүүмж иргэдээс ихээр ирдэг. Тиймээс нэг ажил хийх гэж нөгөө байгууллагынхаа ажлыг сүйтгэдэг инженерийн шугам сүлжээний байгууллагуудын үйл ажиллагааг нэгтгэх зорилготой уг хурлаар мөн Дархан-Уул аймгийн 2017-2020 оны хот төлөвлөлтийн ажилд дээрх байгууллагууд хэрхэн уялдаа холбоотой ажиллах талаар санал солилцжээ.
Манай аймгийн 2017-2020 оны хот төлөвлөлтөнд нийт 255 тэрбум төгрөгийн 309 бүтээн байгуулалт, ажил үйлчилгээ хийгдэхээр төлөвлөгдсөн байна. Бүтээн байгуулалтын гол эх үүсвэр нь инженерийн байгууллагуудын асуудал бөгөөд тус байгууллагуудын үйл ажиллагаа энэ тэргүүнд тавигдах юм. Тиймээс энэхүү төлөвлөлтийн талаар мэргэжилтнүүд санал бодлоо мөн солилцсон байна.
Ийнхүү иргэдийн дунд яригдаад байдаг
босоо удирдлагатай байгууллагууд уялдаа холбоогоо сайжруулан ажиллахаар
хуралдаж ирэх 4 жилийнхээ ажилд ханцуй
шамлан оржээ.
М.ГҮНЖИЛХАМ